حیاتِ احمد (حیاتِ احمد۔ جلد دوم) — Page 443
حیات احمد ۴۴۳ اعلان قدرت سے اپنی ذات کا دیتا ہے حق ثبوت اُس بے نشاں کی چہرہ نمائی یہی تو ہے جس بات کو کہے کہ کروں گا میں یہ ضرور ملتی نہیں وہ بات خدائی یہی تو جلد دوم حصہ سوم ہے قادیان کے آریوں کا دہرم پر کھنے کے لئے اگر کسی کو زیادہ فرصت نہ ہو۔تو ہمارے اسی اشتہار کے ذریعہ سے ساری کیفیت ان کی معلوم ہو سکتی ہے کہ کہاں تک وہ ایسی سچائی کے قبول کرنے کے لئے مستعد ہیں جس کا اقرار کرنے سے وہ کسی طرف بھاگ نہیں سکتے اس اجمال کی تفصیل یہ ہے کہ جس سال اس عاجز نے قادیان کے ہندوؤں کے ساتھ ایک تحریری معاہدہ کر کے بعض الہامی پیشین گویوں کو بتلانے کا وعدہ کیا تھا انہیں دنوں میں یہ پیشگوئی جو اس اشتہار کے اخیر میں درج ہے بخوبی ان کو سنا کر اور قلم بند کر کے ان میں سے چار آدمیوں کے دستخط اس پر کرا دیئے تھے اور پیشگوئی کے ظہور کی میعاد اکتیس ماہ تک تھی اب جو ۱۸۸۸ء کا مہینہ آیا۔جو حساب کی رو سے اکتیسواں مہینہ تھا تو ان بھلے مانسوں کی زہر ناک تعصب نے انہیں اس قدر صبر کرنے نہ دیا کہ مہینہ کے اخیر تک انتظار کرتے۔بلکہ ابھی وہ اخیر مہینہ چڑھا ہی تھا کہ انہوں نے شور مچانا شروع کر دیا کہ پیشگوئی غلط نکلی یعنی اب کیا ہے صرف چند روز باقی ہیں لیکن اُس قادر کی قدرت دیکھئے کہ کیسے اخیر پر اس نے الٹا کر مارا۔اور کیسے ذلیل اور رسوا کیا کہ ابھی پندرہ دن اکتیسویں مہینے کے پورے ہونے باقی تھے کہ پیشگوئی پوری ہو گئی۔افسوس یہ دل کے اندھے نہیں دیکھتے کہ ہر ایک پیشگوئی ہماری خدا تعالیٰ کیسے پوری کرتا جاتا ہے۔سچ تو یہ ہے کہ ان لوگوں کو خدا کی کچھ پروا ہی نہیں۔