دینی معلومات کا بنیادی نصاب برائے انصاراللہ — Page 165
165 ہندوؤں میں سے پنڈت لیکھرام ، عیسائیوں میں سے پادری عبداللہ آتھم اور امریکہ کا جھوٹا مدعی نبوت ڈاکٹر الیگزینڈر ڈوئی اور مسلمانوں میں سے رسل بابا امرتسری، چراغ دین ،جمونی، رشید احمد گنگوہی، عبدالرحمن محی الدین لکھو کے والے، مولوی غلام دستگیر قصوری، محمد حسین بھینی والا و غیر ہم مقابلہ کر کے حسب پیشگوئی ہلاک ہوئے اور آپ کے منجانب اللہ ہونے پر مہر تصدیق ثبت کر گئے۔پھر آپ نے قبولیت دعا کا حربہ استعمال کیا اور تمام مذاہب کے لوگوں کو یہ دعوت دی کہ اگر ان کا مذہب سچا ہے تو مقبولیت کا نشان مقابلہ میں دکھا ئیں۔مگر کسی کو اس مقابلہ کی ہمت نہ ہوئی۔غرض قبولیت دعاء علمی مقابلوں ، تائیدات سماوی اور بکثرت امور غیبیہ کے اظہار کے ذریعہ یہ ثابت کیا کہ زندہ نبی ہمارے سید و مولی محمد مصطفی صلی اللہ علیہ وسلم ہیں اور زندہ مذہب صرف اسلام ہے۔اسلام کی حقانیت اور اپنے دعوی کی صداقت کو ظاہر کرنے کیلئے آپ نے کم و بیش اسی کتب اُردو اور عربی میں تصنیف فرما ئیں۔ہزار ہا اشتہارات مختلف ممالک میں شائع فرمائے اور سینکڑوں تقاریر اسلام کی تائید میں کیں۔بادشاہوں اور امراء کو خطوط لکھے اور انہیں دعوت حق دی۔پھر آپنے مسلمانوں کے غلط عقائد کی اصلاح کی اور تجدید دین کا کام اس رنگ میں کیا جس رنگ میں مسیح و مہدی کے لئے کرنا مقدر تھا۔نہ صرف زمین پر آپ کی صداقت کے نشان ظاہر ہوئے بلکہ آسمان نے بھی اس کی گواہی دی۔آنحضرت صلی اللہ علیہ وسلّم نے ظہور مہدی کے لئے جو یہ علامت بیان فرمائی