دینی معلومات کا بنیادی نصاب برائے انصاراللہ — Page 161
161 حضرت مرزا غلام احمد صاحب علیہ الصلوۃ والسلام ۱۸۳۵ء تا ۱۹۰۸ء ابتدائی زندگی بانی سلسلہ احمدیہ حضرت مرزا غلام احمد صاحب قادیانی علیہ الصلوۃ والسلام ۱۴/ شوال ۱۲۵۰ھ مطابق ۱۳ / فروری ۱۸۳۵ء بروز جمعہ قادیان ضلع گورداسپور ( بھارت) میں پیدا ہوئے۔آپ مغل قوم کے ایک نہایت معزز خاندان کے چشم و چراغ تھے۔آپ کے مورث اعلیٰ حضرت مرزا ہادی بیگ صاحب سمرقند سے ہندوستان تشریف لائے تھے۔آپ کے والد کا نام حضرت مرزا غلام مرتضی اور والدہ کا نام چراغ بی بی تھا۔بچپن سے ہی آپ کی طبیعت میں نیکی و پاکیزگی اور متانت و سنجیدگی پائی جاتی تھی۔دوسرے بچوں کی طرح کھیل کود کی طرف ذرا بھی راغب نہ تھے۔تنہائی کو پسند کرتے اور گہرے غور و خوض کے عادی تھے۔ابتدائی تعلیم گھر پر ہی ہوئی۔پھر والد کے مقرر کردہ اساتذہ سے آپ نے فاری پڑھی اور کچھ صرف و نحو نیز منطق و فلسفہ اور حکمت کا علم حاصل کیا۔جوانی میں بھی خلوت نشینی پسند رہی۔قرآن کریم اور احادیث نبوی نیز دوسرے مذاہب کی مذہبی کتب کا مطالعہ آپ کا محبوب مشغلہ تھا اور بیشتر وقت یاد الہی میں یا قرآن کریم پر غور وفکر میں گذرتا تھا۔عشق محمد آپ کے رگ وریشہ میں رچا ہوا تھا۔