دینی نصاب — Page 43
چونکہ عورتوں کو پردہ کا حکم ہے۔لہذا عورت کی طرف سے اُس کا ولی ایجاب وقبول کرے گا۔عورت کا مجلس میں ہونا ضروری نہیں۔اسی طرح بعض مجبوریوں کے پیش نظر مرد کی طرف سے اُس کا ولی یا وکیل ایجاب وقبول کرسکتا ہے۔اگر عورت کا ولی اُس مجلس میں حاضر نہ ہو سکتا ہو تو اُسے اختیار ہے کہ وہ اپنی طرف سے کسی دوسرے شخص کو اپنا وکیل مقرر کر دے۔تاوہ اُس کی طرف سے ایجاب وقبول کرے۔نب ایجاب وقبول ہو جائے تو اب مرد و عورت خاوند اور بیوی بن گئے۔اب خاوند ا پنی بیوی کو اپنے گھر لے جاسکتا ہے۔جب خاوند کی اپنی بیوی کے ساتھ خلوت صحیحہ ہو جائے تو اُسے چاہئیے کہ حسب توفیق اپنے قریبی رشتہ داروں، دوستوں اور مسکینوں کی دعوت کرے۔اس دعوت کو ولیمہ کہتے ہیں۔یہ دعوت ولیمہ ) کرنا سنت ہے۔اور اس کا قبول کرنا بھی سنت ہے۔اور اس دعوت میں غریب اور مسکین لوگوں کو بلانے کا خاص حکم ہے۔حقوق زوجین : اللہ تعالیٰ نے مرد کو عورت پر فضیلت اور فوقیت دی ہے۔اور اس پر فرض قرار دیا ہے کہ وہ اپنی بیوی کیلئے تمام اخراجات خوراک، پوشاک اور رہائش وغیرہ کا انتظام حسب توفیق کرے۔اُس پر ناحق خفا نہ ہو۔اور اُس پر ناجائز سختی نہ کرے بلکہ ہمیشہ اس کے ساتھ اچھا برتاؤ اور نیک سلوک کرے اور اس کے ساتھ محبت اور پیار سے رہے۔اسی طرح اللہ تعالیٰ نے عورت کو مرد کے ماتحت رکھا ہے اور اُس پر فرض قرار دیا ہے کہ وہ اپنے خاوند کی فرمانبرداری کرے اور اُس کے ہر حکم کی تعمیل کرے۔بشرطیکہ خلاف شرع نہ ہو۔اُس کے مال ضائع نہ کرے۔کفایت شعاری اور قناعت سے کام لے۔خواہ مخواہ اُس کو تنگ نہ 43