دینی نصاب — Page 261
حضرت مرزا بشیر الدین محمود احمد المصلح الموعود خليفة المسيح الثانى ۱۸۸۹ء تا ۱۹۶۵ء حضرت خلیفہ امسیح الثانی کا دور خلافت اس لحاظ سے ممتاز اور نمایاں ہے کہ اس کے بارے میں سابقہ انبیاء صلحاء کی پیشگوئیاں موجود ہیں۔اس کے علاوہ اللہ تعالیٰ کے بے شمار نشانات اور اس کی پیہم تائیدات نے یہ ثابت کر دیا کہ آپ ہی موعود خلیفہ ہیں جس کا وعدہ دیا گیا تھا۔ابتدائی زندگی حضرت مسیح موعود علیہ السلام کو اللہ تعالیٰ نے ۲۰ فروری ۱۸۸۶ء کو ایک مسیحی نفس لڑکے کی پیدائش کی خبر دی جو دل کا حلیم اور علوم ظاہری و باطنی سے پر کیا جائے گا اور بتلا یا گیا کہ وہ نوسال کے عرصہ میں ضرور پیدا ہو جائے گا۔اس پیشگوئی کے مطابق سید نا حضرت مرزا بشیر الدین محمود احمد صاحب حضرت اماں جان نصرت جہاں بیگم کے بطن سے ۱۲ جنوری ۱۸۸۹ء بروز ہفتہ تولد ہوئے۔الہام الہی میں آپ کا نام محمود، بشیر ثانی، فضل عمر اور مصلح موعود بھی رکھا گیا۔اور کلمتہ اللہ نیز فخر رسل کے خطابات سے نوازا گیا۔آپ کے بارے میں الہاما یہ بھی بتایا گیا کہ وہ سخت ذہین و فہیم ہو گا۔خدا کا سایہ اس کے سر پر ہوگا۔وہ جلد جلد بڑھے گا، اسیروں کی رستگاری کا موجب ہوگا، زمین کے کناروں تک شہرت پائے گا اور قو میں اس سے برکت پائیں گی۔چونکہ آپ کے بارے میں حضرت مسیح موعود علیہ السلام کو بہت سی بشارات ملی تھیں۔اس لئے حضور آپ کا بہت خیال رکھتے۔کبھی آپ کو ڈانٹ ڈپٹ نہیں کی۔بچپن سے آپ کی طبیعت میں دین سے رغبت تھی۔دعا میں شغف تھا اور نمازیں بہت توجہ سے ادا کرتے تھے۔آپ نے ابتدائی تعلیم مدرسہ تعلیم الاسلام میں پائی۔صحت کی کمزوری اور نظر کی خرابی کے 261