انوارالعلوم (جلد 26) — Page 360
انوار العلوم جلد 26 360 مجلس انصار اللہ مرکزیہ کے سالانہ اجتماع سے خطاب ☆ بتایا کہ مصر کا جو وائس قونصل تھا اُس کے جبڑے میں درد تھی۔اُس نے آپ کو دعا کے لئے خط لکھا تھا لیکن اس کو آپ کا جواب نہیں پہنچا۔میں نے دفتر والوں سے خط نکالنے کے لئے کہا۔انہوں نے کہا کہ ہمیں وہ خطا نہیں ملا۔لیکن اب پرسوں یا اتر سوں اس کا دوسرا خط آیا ہے۔اس نے لکھا ہے کہ غالباً میرا پہلا خط نہیں پہنچا اب میں دوسرا خط لکھ رہا ہوں۔میرے جبڑے میں درد ہے آپ دعا کریں کہ اللہ تعالیٰ صحت دیتے۔یہ امریکہ میں تبلیغ کا ہی اثر ہے۔ہم امریکہ میں تبلیغ کرتے ہیں تو مصری اور شامی بھی متاثر ہوتے ہیں اور وہ سمجھتے ہیں کہ یہی جماعت ہے جو اسلام کی خدمت کر رہی ہے اور اس طرح قدرتی طور پر انہیں ہماری جماعت کے ساتھ ہمدردی پیدا ہو جاتی ہے۔پہلی شامی حکومت کی سختیوں کی وجہ سے ہمارے مبلغ منیر الحصنی صاحب کا خط آیا تھا کہ اس نے ہماری جماعت کے بعض اوقاف میں دخل اندازی کی تھی لیکن اب انہوں نے لکھا ہے کہ جو نئے قوانین بنائے گئے ہیں اُن میں کچھ گنجائش معلوم ہوتی ہے۔ان کے مطابق میں دوبارہ نالش کرنے لگا ہوں۔حضرت مسیح موعود علیہ الصلوۃ والسلام کا ایک الہام ہے کہ يَدْعُوْنَ لَكَ أَبْدَالُ الشَّامِ 3 ابدال شام تیرے لئے دعائیں کرتے ہیں۔جس کے معنے یہ ہیں کہ شام میں جماعت پھیلے گی۔پس دوستوں کو دعا کرنی چاہئے کہ اللہ تعالیٰ وہاں جماعت کے لئے سہولت پیدا کرے اور وہاں جماعت کو کثرت کے ساتھ پھیلائے تا ابدال شام پیدا ہوں۔اب حضرت مسیح موعود علیہ الصلوۃ والسلام تو ہیں نہیں يَدْعُونَ لَكَ کے یہی معنے ہیں کہ وہ جماعت کے لئے دعائیں کریں گے اور ابدال نام بتا تا ہے کہ ان کی دعائیں سنی جائیں گی۔ابدال کے معنے ہیں کہ ان کے اندر بڑی عظیم الشان تبدیلی پیدا ہو جائے گی اور خدا تعالیٰ کے مقرب ہو جائیں گے۔پس اس کے لئے بھی دعاؤں میں لگے رہنا چاہئے کہ شام میں جو مشکلات ہیں اللہ تعالیٰ انہیں دور کرے۔وہاں مضبوط جماعت پیدا ہو اور ایسے ابدال انصار اللہ کے جلسہ کے بعد مولوی نور الحق صاحب انور ملے تو انہوں نے بتایا کہ اب اس کے جبڑے کو آرام آچکا ہے بلکہ میرے یہاں آنے سے بھی پہلے اسے آرام آچکا تھا اس لئے یہ خط پہلے کا لکھا ہوا معلوم ہوتا ہے۔انور صاحب نے یہ بھی بتایا کہ وہ کرنل ناصر کا بچپن کا دوست ہے اور اس پر بہت اثر رکھتا ہے۔