انوارالعلوم (جلد 15) — Page 97
انوار العلوم جلد ۱۵ تحریک جدید کا مقصد انقلاب حقیقی میں نے تحریک جدید کے پہلے دور میں اس کی طرف قدم اٹھایا تھا اور دوسرے دور کی بعض باتوں کو میں التواء میں ڈالتا گیا تھا اور میں نے کہا تھا کہ تم اپنے دلوں میں سوچو کہ آخر اس کی کیا وجہ ہے کہ عقائد کے میدان میں تو ہم نے دشمن کو شکست دی مگر عمل کے میدان میں ہم ابھی اسے شکست نہیں دے سکے۔میں امید کرتا ہوں کہ آپ لوگوں نے اپنے دلوں میں اس بات پر غور کیا ہو گا مگر میرے دل کی نیت اس وقت یہی تھی کہ میں تحریک جدید کے دوسرے دور کی بعض باتوں کو جلسہ سالانہ پر بیان کروں گا جب جماعت کا ایک حصہ میرے سامنے موجود ہوگا اور میں اُس سے دریافت کروں گا کہ آیا وہ ان باتوں پر عمل کرنے کیلئے تیار ہے یا نہیں؟ سو آج میں اس کا اعلان کرنا چاہتا ہوں کہ رسول کریم صلی اللہ علیہ وسلم نے فرمایا ہے اَلْإِيْمَانُ بِضْعٌ وَسَبْعُونَ شُعْبَةَ أَفْضَلُهَا قَوْلُ لَا إِلَهَ إِلَّا اللَّهُ وَأَدْنَاهَا إِمَاطَةُ الْأَذَى عَنِ الطَّرِيقِ ۹۲ کہ اے مسلمانو! تم بعض دفعہ لَا اِلهَ إِلَّا اللَّہ پڑھ کر کہ دیتے ہو کہ اَلْحَمْدُ لِلَّهِ ہم مومن ہیں۔اَلْحَمْدُ لِلَّهِ ہم مسلمان ہیں مگر فر ما یا یہ غلط بالکل غلط اور قطعاً غلط ہے۔اوّل تو صرف لفظا لا اله الا اللہ کہنا کوئی چیز نہیں۔اور اگر ہو بھی تو یا درکھو کہ الْإِيمَانُ بِضْعُ وَسَبْعُوْنَ شُعْبَةٌ ـ ایمان کے ستر سے زیادہ حصے ہیں جن پر عمل کرنا تمہارے لئے ضروری ہے۔یہاں بِضْعُ وَسَبْعُونَ سے مراد کثرت ہے اور یہ عربی کا محاورہ ہے اُردو میں بھی جب کسی کو یہ کہنا ہو کہ میں نے تجھے بار ہا یہ بات کہی ہے تو کہتے ہیں میں نے تجھے سو دفعہ یہ کہا ہے۔اس کا یہ مطلب نہیں ہوتا کہ سو دفعہ کہا ہے بلکہ مطلب کثرت کا اظہار ہوتا ہے۔اسی طرح رسول کریم صلی اللہ علیہ وسلم فرماتے ہیں کہ ایمان کے ستر سے بھی زیادہ محکمے اور ڈیپارٹمنٹ ہیں۔یعنی بہت سے اس کے شعبے ہیں۔أَفْضَلُهَا قَولُ لَا إِلَهَ إِلَّا اللهُ۔ان سب میں افضل بات لا اله الا اللہ کہنا ہے۔مگر اس کے بعد اور پھر اور پھر اور اور پھر اور شعبہ ہائے ایمان چلتے چلے جاتے ہیں یہاں تک کہ ایک ادنیٰ بات شعبہ ہائے ایمان میں یہ بھی داخل ہے کہ اماطة الأذى عَنِ الطَّرِيقِ رستے میں کانٹے پڑے ہوں تو انہیں الگ کر دیا جائے ،کنکر پتھر ہوں تو انہیں ہٹا دیا جائے ، اسی طرح جو بھی تکلیف دینے والی چیز ہوا سے دور کر دیا جائے۔گویا جس کو لوگ ایمان کہتے ہیں اور جس پر خوشی سے پھولے نہیں سماتے ، رسول کریم صلی اللہ علیہ وسلم فرماتے ہیں کہ وہ