اصحاب احمد (جلد 6) — Page 26
شیخ محمد حسین صاحب بٹالوی کو خط : 26 حضرت اقدس نے ذیل کا خط شیخ محمد حسین صاحب بٹالوی کو تحریر کیا تھا۔بسم الله الرحمن الرحيم بخدمت شیخ محمد حسین صاحب ابوسعید بٹالوی نحمدہ و نصلے الـحـمـد الله والسلام على عباده الذین اصطفے۔اما بعد میں افسوس سے لکھتا ہوں کہ میں آپ کے فتو کی تکفیر کی وجہ سے جس کا یقینی نتیجہ احد الفریقین کا کافر ہونا ہے۔اس خط میں سلام مسنون یعنی السلام علیکم سے ابتداء نہیں کر سکا۔لیکن چونکہ آپ کی نسبت ایک منذر الہام مجھ کو ہوا۔اور چند مسلمان بھائیوں نے بھی مجھ کو آپ کی نسبت ایسی خواہیں سنائیں۔جن کی وجہ سے میں آپ کے خطر ناک انجام سے بہت ڈر گیا۔تب بوجہ آپ کے ان حقوق کے جو بنی نوع کو اپنے نوع انسان سے ہوتے ہیں اور نیز بوجہ آپ کی ہم وطنی اور قرب و جوار کے میر ارحم آپ کی اس حالت پر بہت جنبش میں آیا۔اور میں اللہ جل شانہ کی قسم کھا کر کہتا ہوں کہ مجھے آپ کی حالت پر نہایت رحم ہے۔اور ڈرتا ہوں کہ آپ کو وہ امور پیش نہ آجائیں۔جو ہمیشہ صادقوں کے مکذبوں کو پیش آتے رہے ہیں۔اسی وجہ سے میں آج رات کو سوچتا سوچتا ایک گرداب تفکر میں پڑ گیا کہ آپ کی ہمدردی کے لئے کیا کروں۔آخر مجھے دل کے فتویٰ نے یہی صلاح دی کہ پھر دعوت الی الحق کے لئے ایک خط آپ کی خدمت میں لکھوں۔کیا تعجب کہ اسی تقریب سے خدا تعالیٰ آپ پر فضل کر دیوے۔اور اس خطرناک حالت سے نجات بخشے۔سو عزیز من آپ خدا تعالیٰ کی رحمت سے نومید نہ ہوں۔وہ بڑا قادر ہے۔جو چاہتا ہے کرتا ہے۔اگر آپ طالب حق بن کر میری سوانح زندگی پر نظر ڈالیں تو آپ پر قطعی ثبوتوں سے یہ بات کھل سکتی ہے کہ خدا تعالیٰ ہمیشہ کذب کی ناپاکی سے مجھ کو محفوظ رکھتا رہا ہے۔یہاں تک کہ بعض وقت انگریزی عدالتوں میں میری جان اور عزت ایسے خطرہ میں پڑ گئی کہ بجز استعمال کذب اور کوئی صلاح کسی وکیل نے مجھ کو نہ دی۔لیکن اللہ جلشانہ کی توفیق سے میں سچ کے لئے اپنی جان اور عزت سے دستبردار ہو گیا اور بسا اوقات مالی مقدمات میں محض سچ کے لئے میں نے بڑے بڑے نقصان اٹھائے اور