اصحاب احمد (جلد 5) — Page 324
۳۲۸ حضرت مسیح موعود علیہ السلام کی کتابیں پڑھنی شروع کیں۔جب حضرت مسیح موعود علیہ السلام نے دعوی مسیحیت کیا تو نبوت کے متعلق بعض مضامین اپنی ابتدائی کتب فتح اسلام اور توضیح مرام میں بیان فرمائے۔ایک شخص نے جو حضرت مسیح موعود علیہ السلام سے بدظنی رکھتا تھا۔ان کتابوں کے پروف کسی طرح دیکھے تو وہ جموں گیا اور اس نے کہا کہ آج میں نے مولوی نورالدین صاحب گومرزا صاحب سے ہٹا دینا ہے۔اس وقت حضرت خلیفہ اول رضی اللہ تعالیٰ عنہ حضرت مسیح موعود علیہ السلام کی بیعت کر چکے تھے۔دعوئی میسحیت حضرت مسیح موعود علیہ السلام نے فتح اسلام اور توضیح مرام کی اشاعت کے زمانہ میں کیا۔جو بیعت سے قریباً دو سال بعد ہوا اور انہیں میں مسئلہ اجرائے نبوت کی بنیاد رکھی۔جب اس شخص نے آپ کی کتب میں نبوت کے جاری ہونے کے متعلق پڑھا تو اس نے کہا اب تو یقیناً مولوی نورالدین صاحب مرزا صاحب کو چھوڑ دیں گے۔کیونکہ مولوی صاحب رسول کریم صلی اللہ علیہ وآلہ وسلم سے شدید محبت رکھتے ہیں جب وہ یہ سنیں گے کہ مرزا صاحب نے یہ کہا ہے کہ رسول کریم صلی اللہ علیہ وآلہ وسلم کے بعد بھی نبی آ سکتا ہے تو وہ مرزا صاحب کے مرید نہیں رہیں گے۔چنانچہ اس شخص نے اپنے ساتھ ایک پارٹی لی اور خراماں خراماں حضرت مولوی صاحب کی طرف چلے۔جب آپ کے پاس پہنچے تو اس شخص نے حضرت مولوی صاحب سے کہا میں آپ سے ایک بات دریافت کرنا چاہتا ہوں آپ نے کہا فرمائیے کیا پوچھنا چاہتے ہیں۔اس شخص نے کہا اگر کوئی شخص کہے کہ میں اس زمانہ کے لئے نبی بنا کر بھیجا گیا ہوں اور رسول کریم صلی اللہ علیہ وآلہ وسلم کی امت محمدیہ میں نبوت جاری ہے تو آپ اس کے متعلق کیا خیال کریں گے۔اس شخص نے تو یہ خیال کیا تھا کہ میں ایک مولوی کے پاس جا رہا ہوں لیکن اسے یہ معلوم نہیں تھا کہ ایک مولوی کے پاس نہیں بلکہ ایک ایسے شخص کے پاس جا رہا ہوں جس سے اللہ تعالیٰ اپنے سلسلہ کا کام لینا چاہتا ہے۔حضرت خلیفہ اول نے فرمایا۔اس سوال کا جواب تو دعوی کرنے والے کی حالت پر منحصر ہے کہ آیا وہ اس دعویٰ کا مستحق ہے یا نہیں؟ اگر یہ دعویٰ کرنے والا انسان راستباز نہ ہوگا تو ہم اسے جھوٹا کہیں گے اور اگر دعویٰ کرنے والا کوئی راستباز انسان ہے تو میں یہ سمجھوں گا کہ غلطی میری ہے۔حقیقت میں نبی آ سکتا ہے۔حضرت خلیفہ اول فرماتے تھے اس شخص نے جب میرا یہ جواب سنا تو وہ اپنے ساتھیوں سے کہنے لگا چلو جی۔ایہہ بالکل خراب ہو گئے ہیں۔اب ان سے بات کرنے کا کوئی فائدہ نہیں ہے آپ فرمایا کرتے تھے۔اس پر میں نے اس سے کہا مجھے یہ تو بتا دو کہ بات کیا تھی۔تو اس نے کہا بات یہ ہے کہ آپ کے مرزا صاحب نے یہ دعویٰ کیا ہے کہ مجھ پر اللہ تعالیٰ کا الہام نازل ہوتا ہے اور میں ایک نبی کے مشابہ ہوں۔حضرت خلیفہ اول نے اس کی یہ بات سن کر فرمایا بے شک مرزا صاحب نے جو کچھ لکھا ہے وہ درست ہے۔مجھے اس پر ایمان ہے۔حضرت خلیفہ اول اس زمانہ میں اچھی شہرت رکھتے تھے اور آپ دلیری اور بہادری کے ساتھ کام کرنے والے تھے۔اس کے علاوہ