اصحاب احمد (جلد 2) — Page 692
692 بسم الله الرحمن الرحيم عزیزی محجبی اخویم نواب صاحب سلمہ اللہ تعالیٰ نحمده ونصلى على رسوله الكريم السلام علیکم ورحمۃ اللہ وبرکاتہ۔اس وقت آپ کا پریشانی سے بھرا ہوا خط پڑھ کر میرے دل کو اس قد رقلق اور اضطراب کا صدمہ پہنچا جو میں بیان نہیں کرسکتا۔مجھے باعث لحوق امراض وصدمات ضعف قلب ہے کسی مخلص دوست کی غم سے بھری ہوئی بات کو سن کر اس قدر متاثر ہو جاتا ہوں کہ گویا وہ غم میرے پر ہی وارد ہو گیا ہے۔مجھے آپ کی غمخواری کے لئے بے اختیار ایک کشش اور کرب دل میں پیدا ہو گیا ہے انشاء اللہ القدیر میں پوری توجہ سے آپ کے لئے دعا کروں گا۔مگر اے عزیز آپ کو یا د ر ہے ہمارا آقا ومولا رب السموات والارض نہایت درجہ کا مہربان اور رحیم وکریم ہے کہ اپنے گنہ گار بندوں کی پردہ پوشی کرتا ہے اور آخر وہی ہے جو ان کے زخموں پر مرہم رکھتا ہے اور ان کی بے قراری کی دعاؤں کوسنتا ہے کبھی کبھی وہ اپنے بندہ کی آزمائش بھی کرتا ہے لیکن آخر کار رحم کی چادر سے ڈھانک لیتا ہے۔اس پر جہاں تک ممکن ہو تو کل رکھو اور اپنے کام اس کو سونپو اس سے اپنی بہبودی چا ہو مگر دل میں اس کی قضاء وقدر سے راضی رہو۔چاہئے کہ کوئی چیز اس کی رضاء سے مقدم نہ ہو۔میں آپ کے لئے بہت دعا کرتا ہوں اور کروں گا اور اگر کچھ معلوم ہوا تو آپ کو اطلاع دوں گا۔آپ درویشانہ سیرت سے ہر ایک نماز کے بعد گیارہ دفعہ لاحـــــــول ولاقوة الا بالله العلی العظیم پڑھیں اور رات کو سونے کے وقت معمولی نماز کے بعد کم از کم اکتالیس دفعه در دو شریف پڑھ کر دو رکعت نماز پڑھیں اور ہر ایک سجدہ میں کم سے کم تین دفعہ یا حیی یاقیوم برحمتک استغیث۔پھر نماز پوری کر کے سلام پھیر دیں۔اور اپنے لئے دعا کریں اور مرزا خدا بخش کو کہہ چھوڑیں کہ جلد جلد مجھے اطلاع دیویں۔دہلی میں آکر میری طبیعت بہت علیل ہوگئی ہے۔اس وقت خارش کی پھنسیاں ایسی ہیں جیسے شاخ کو پھل لگا ہوا ہوتا ہے اسی وجہ سے بخار بھی رہا ریزش بھی بشدت ہوگئی اور طبیعت ضعیف اور کمزور ہے۔لیکن میں نے نہایت قلق کی وجہ سے نہ چاہا کہ آپ کے خط کو تاخیر میں ڈالوں۔خدا تعالیٰ آپ کے غم و درد دور کرے اور اپنی