اصحاب احمد (جلد 2) — Page xl
۲۸ میں تو یہ چاہتا ہوں کہ ملک صاحب کو اس کام کیلئے فارغ کر دیا جاوے اور دوسرے کام کسی اور صاحب کے سپر د ہوں۔بہر حال میں ملک صاحب کی کوشش اور محنت کا ایک عینی گواہ ہوں اور میں یقین کے ساتھ کہتا ہوں کہ اس وقت اس کام کو وہی خوش اسلوبی سے کر سکتے ہیں ان میں مذاق تحقیق ہے۔مجھے اس سے بھی خوشی ہوئی کہ انہوں نے بعض غیر مطبوعہ مکتوبات کو جمع کیا ہے۔ان کے عکس دینے کا کام نہایت پسندیدہ ہے۔میرے زیر نظر یہ تھا چنانچہ الحکم کے جو بلی نمبر میں اس کی طرف بھی اشارہ تھا۔میں تو چاہتا ہوں کہ حضرت اقدس علیہ الصلوۃ والسلام کی جس قدر تحریر یں مل سکتی ہیں ان سب کے فوٹوز لے کر بلاک بنوائے جائیں۔میں نے لنڈن کے میوزیم میں پرانے مخطوطات دیکھے۔ایک علم نواز علم دوست قوم کے لئے یہ چیز میں ضروریات زندگی میں سے ہیں۔بالآخر میں اللہ تعالیٰ سے دُعا کرتا ہوں کہ وہ اپنے فضل و کرم سے محترم ملک صلاح الدین صاحب کو صحت توانائی دے اور اشاعت حالات صحابہ کیلئے ہر روک کو دور کر دے۔میں اپنی ہر اعانت کیلئے خوشی محسوس کرتا ہوں اور اللہ تعالیٰ کا شکر کہ میری دیرینہ آرزو اس رنگ میں پوری ہو رہی ہے اور میں اس طرح پر دوسری تالیفات کے لئے وقت دے سکوں گا۔با اللہ التوفیق۔خاکسار عرفانی الكبير! 26/11/51