اصحاب احمد (جلد 11) — Page 54
54 اور صبح ہوتے ہی میں نے ڈاک میں بھجوا دیا۔سید نا حضور انور ایدہ اللہ تعالیٰ کا ذیل کا مکتوب قابلِ مطالعہ ہے۔حضور تحریر فرماتے ہیں: بسم الله الرحمن الرحيم مکرم شیخ صاحب - السلام علیکم۔میں آپ کے لئے دُعا کرتا ہوں۔اللہ تعالیٰ شفا عنایت فرمائے۔سیالکوٹ کی حالت پر افسوس ہے۔آپ ضرور باقی دوستوں سے مل کر اس فتنہ سے لوگوں کو بچانے کی کوشش کریں اور اب جبکہ یہ لوگ صریح جھوٹ پر آمادہ ہیں۔آپ کو اجازت دیتا ہوں کہ جو صحیح واقعات آپ کو معلوم ہیں۔انہیں لوگوں پر ظاہر کریں۔تاکہ لوگ غلط فہمی سے محفوظ رہیں اور ان لوگوں کی قربانی کا حال انہیں معلوم ہو۔اللہ تعالیٰ ہی رحم فرمائے۔شکی یا بدظنی پر محمول بات کوئی نہ ہو۔استغفار بہت کریں تا منہ سے کوئی بات ایسی نہ نکلے جو غلط ہو۔یا جس کے بیان کرنے میں نیت نیک نہ ہو۔اللہ تعالیٰ ہمیں نفسانی خواہشات اور کینہ تو زیوں سے محفوظ رکھے۔عداوت سے کوئی کام نہ کریں۔بلکہ اخلاص اور تائید حق کے لئے۔حدیث میں ہے۔اتنی دشمنی نہ کرو کہ بعد میں پچھتانا پڑے اور اتنی دوستی بھی نہ کرو کہ بعد میں پچھتانا پڑے۔سو ان نصائح کو یا درکھ کر مناسب تدابیر سے غافل نہ ہوں۔مجھے سیالکوٹ پر رحم آتا ہے۔وہاں کی جماعت کو ثابت قدم رکھنے کے لئے بہت کوشش کریں۔حافظ روشن علی صاحب کو بھیجا ہے۔وہ کچھ دن انشاء اللہ سیالکوٹ ٹھہریں گے۔چوہدری نصر اللہ خاں صاحب نے بیعت کر لی ہے۔میں نے ان کے لئے اور ایک اور شخص کے لئے دُعا کی تھی۔سوخدا تعالیٰ نے فی الحال تو انہیں کو چُنا ہے۔اس لئے میں انہیں کو حقدار سمجھتا ہوں۔اللہ تعالیٰ جماعت پر رحم فرما دے۔یہ لوگ کس طرف چلے جا رہے ہیں۔خدا کے کام کوئی نہیں روک سکتا۔اگر میرا قیام خدا تعالیٰ کے منشاء کے ماتحت ہے، اور مجھے اس کے فضل سے امید ہے کہ ایسا ہی ہے۔تو یہ لوگ خواہ کس قدر ہی مخالفت کر لیں۔اللہ تعالیٰ کے فضل سے ناکام و نامرادر ہیں گے۔افسوس کہ وہ تلوار جو غیروں پر چلنی تھی ، اپنوں پر چلانی پڑی۔اور وہ زور جو غیروں کے مقابلہ پر خرچ کرنا تھا۔اپنوں پر کرنا پڑا۔بہتر ہوتا۔اگر یہ نہ ہوتا۔اللہ تعالیٰ کے نشانات کیوں کر ظاہر ہوتے۔کس طرح ہوسکتا تھا کہ سوئی ہوئی جماعت پھر جاگتی۔اگر اس طرح شور نہ پڑتا۔کون ہے جو خدا کے کام کو روک سکے۔‘ نامی ٹریکٹ کی پچاس کا پیاں بھیجی گئی ہیں۔اگر اور ضرورت ہو تو بھجوا دی جائیں گی۔غالباً چودھری صاحب یا