365 دن (حصہ سوم) — Page 195
درس روحانی خزائن 195 درس روحانی خزائن نمبر 116 حضرت بانی سلسلہ احمدیہ علیہ السلام بیان کرتے ہیں:۔حقیقی پاکی تب حاصل ہوتی ہے جب انسان گندی زندگی سے تو بہ کر کے ایک پاک زندگی کا خواہاں ہو۔اور اس کے حصول کے لئے صرف تین باتیں ضروری ہیں۔(1) ایک تدبیر اور مجاہدہ کہ جہاں تک ممکن ہو گندی زندگی سے باہر آنے کے لئے کوشش کرے۔اور (2) دوسری دعا کہ ہر وقت جنابِ الہی میں نالاں رہے۔تا وہ گندی زندگی سے اپنے ہاتھ سے اس کو باہر نکالے اور ایک ایسی آگ اس میں پیدا کرے جو بدی کے خس و خاشاک کو بھسم کر دے اور ایک ایسی قوت عنایت کرے جو نفسانی جذبات پر غالب آجاوے اور چاہئے کہ اسی طرح دُعا میں لگا ر ہے جب تک کہ وہ وقت آجاوے کہ ایک الہی نور اس کے دل پر نازل ہو اور ایک ایسا چمکتا ہو اشعاع اُس کے نفس پر گرے کہ تمام تاریکیوں کو دور کر دے اور اس کی کمزوریاں دور فرمائے اور اس میں پاک تبدیلی پیدا کرے۔کیونکہ دعاؤں میں بلاشبہ تاثیر ہے۔اگر مردے زندہ ہو سکتے ہیں تو دعاؤں سے اور اگر اسیر رہائی پاسکتے ہیں تو دعاؤں سے اور اگر گندے پاک ہو سکتے ہیں تو دعاؤں سے۔مگر دعا کرنا اور مرنا قریب قریب ہے۔(3) تیسرا طریق صحبت کا ملین اور صالحین ہے۔کیونکہ ایک چراغ کے ذریعہ سے دوسرا چراغ روشن ہو سکتا ہے غرض یہ تین طریق ہی گناہوں سے نجات پانے کے ہیں۔جن کے اجتماع سے آخر کار فضل شامل حال ہو جاتا ہے۔66 لیکچر سیالکوٹ روحانی خزائن جلد 20 صفحہ 234) مشکل الفاظ اور ان کے معانی شعاع روشنی، کرن صالحین نیک، راستباز