اُردو کی کتب (کتاب چہارم) — Page 14
اُردو کی کتاب چهارم آپ کو علم ہوا کہ آنحضرت صلی اللہ علیہ وسلم نے نبوت کا دعوی کیا تو فورا اس کی تصدیق کی اور اسلام قبول کرنے میں اولیت کا شرف حاصل کیا۔اسلام قبول کرنے کے بعد خدمت دین کو اپنا شعار بنایا۔آپ کی کوششوں سے حضرت عثمان، حضرت زبیر، حضرت عبد الرحمن بن عوف ، حضرت طلحہ ، حضرت ابو عبیدہ بن جراح، حضرت سعد بن وقاص جیسے جلیل القدر افراد نے اسلام قبول کیا اور ان کی وجہ سے مسلمانوں کو بہت تقویت پہنچی۔سفر و حضر صلح اور جنگ میں ہر وقت آنحضرت صلی اللہ علیہ وسلم کے ساتھ رہتے۔آنحضور کے ساتھ تمام معرکوں میں شریک رہے، ہر معاملہ میں آنحضرت آپ سے مشورہ کرتے۔ہجرت کے وقت بھی آپ آنحضور کے ساتھ رہے اور جب غار ثور میں آنحضرت نے پناہ لی تو حضرت ابو بکر ساتھ تھے۔حجۃ الوداع کے بعد جب آنحضرت بہت بیمار ہو گئے تو آپ نے حضرت ابو بکر کو حکم دیا کہ وہ مسجد نبوی میں امامت کرائیں۔ایثار و قربانی مسلمان ہو جانے کے بعد حضرت ابو بکر تن من دھن سے خدمتِ اسلام میں مصروف ہو گئے تجارت کا خیال رہا نہ آرام کا۔جب روپیہ کی ضرورت ہوتی وہ قربانی میں پیش پیش ہوتے۔ایک موقعہ پر جب دین کی خاطر روپیہ کی بہت ضرورت تھی، حضرت عمر نے اپنے گھر کا نصف اثاثہ آنحضرت صلی اللہ علیہ وسلم کی ۱۴