تحریک جدید ۔ ایک الٰہی تحریک (جلد ہفتم۔ 1985 تا 1987) — Page 325
تحریک جدید - ایک الہی تحریک جلدی پیغام بر موقع اجتماع خدام الاحمدیہ ساؤتھ ریجن ہو۔کے ہر بچہ اور جوان اور بوڑھا پکا نمازی بن جائے پیغام بر موقع اجتماع خدام الاحمدیہ ساؤتھ ریجن یو۔کے منعقدہ 15 مارچ 1986ء سم الله الرحمان الرحيم نحمده ونصلى على رسوله الكريم وعلى عبده المسيح الموعود خدا کے فضل اور رحم کے ساتھ هو الناصر آپ کو اس اجتماع کی بہت بہت مبارک ہو اور تمام حاضرین کو السلام علیکم ورحمۃ اللہ وبرکاتہ۔اللہ تعالیٰ اس اجتماع کو ہر لحاظ سے کامیاب کرے اور دینی اور دنیاوی برکتوں سے نوازے اور آپ کی مجلس کو ایک مثالی مجلس بنادے، آمین۔نئی نسل کو خصوصاً اور بڑوں کو عموماً قرآن کریم سیکھنے اور سکھانے کی طرف توجہ دیں۔نماز ، اس کا تلفظ اور ترجمہ ہر ایک کے ذہن میں پختہ طور پر راسخ ہو اور نماز سے شدید محبت ہر ایک کے دل میں گھر کر لے۔یہ وہ بنیادی کام ہے، جو نظر سے اوجھل ہو جاتا ہے۔اس لئے گھروں کی سہولت کے اعتبار سے چھوٹے چھوٹے مرکز درس کے لئے قائم کئے جائیں۔اور سو فیصدی بچوں کو ، اسی طرح بڑوں کو بھی نماز صحیح تلفظ اور ترجمے کے ساتھ یاد کروائی جائے اور قرآن کریم پڑھایا جائے۔چھوٹی چھوٹی سورتیں حفظ کرائی جائیں اور پھر قرآن کریم با ترجمہ پڑھنے کا عزم پیدا کیا جائے۔یہ وہ بنیادی کام ہے، جو ابتدائی لحاظ سے انتہائی ضروری ہے، جس پر جماعت کے ایمان اور تقویٰ کی بنیاد ہے۔اللہ تعالیٰ آپ کو اس کی توفیق بخشے اور اس اجتماع کی برکتوں کو اتنا پھیلا دے کہ ہر بچہ اور جوان اور بوڑھا پکا نمازی بن جائے اور خدا تعالیٰ کی محبت اس کے رگ وریشہ میں گھر کر لے۔اللہ تعالیٰ آپ کے ساتھ ہو۔والسلام (مرزا طاہر احمد ) خليفة المسيح الرابع ( مطبوعہ ہفت روزہ النصر 25 اپریل 1986ء ) 325