تحریک جدید ۔ ایک الٰہی تحریک (جلد ششم۔ 1982 تا 1984) — Page 164
خطاب فرمودہ 18 اکتوبر 1982ء تحریک جدید - ایک الہی تحریک ( time-setting) کی کہ اس نے احمدی طلباء میں ایک نیا (impetus) یعنی ولولہ پیدا کر دیا۔اور یورپ میں جہاں جہاں بھی احمدی طلباء مجھے ملے ہیں، بڑے بھی اور چھوٹے بھی ، جب میں ان سے بات کرتا تھا کہ آپ کیا بننا چاہتے ہیں؟ تو انہوں نے کہا: ہم تو ڈاکٹر عبدالسلام بنیں گے، انشاء اللہ۔بعض چھوٹے چھوٹے بچوں نے کہا کہ ہم نے تو ڈاکٹر سلام سے بھی آگے نکلنا ہے۔یہ بلند حوصلہ اور ارادے، یہ ستاروں پر کمندیں ڈالنا، سب اللہ تعالیٰ کے فضل سے ایک خاص ماحول کی برکت ہے۔جس کا علمی میدان میں آغاز حضرت خلیفۃ المسیح الثالث نے کیا تھا۔بہر حال عملاً (Practically) زور کے ساتھ یہ چیز اس وقت سامنے آئی۔لیکن اس کے جو روٹس (roots ) یعنی جڑیں ہیں، وہ ماضی میں اس سے بھی گہری ہیں۔بہت ہی گہری ہیں۔باوجود اس کے عرب جہالت کا گہوارہ تھا، ساری جہالتیں وہاں پنپ رہی تھیں، وہاں سے اللہ تعالیٰ نے ایک وجود کو کھڑا کیا اور اس کی بابت یہ اعلان فرمایا کہ يُعَلِّمُهُمُ الْكِتَبَ وَالْحِكْمَةَ (الجمد :03) گویا بتا یا کہ معجزہ اس کو کہتے ہیں کہ وہ ملک، جو ساری دنیا میں سب سے زیادہ جاہل ملک ہے اور جس میں بسنے والے امی محض ہیں۔انہی میں سے میں ایک آدمی چتا ہوں اور اچانک تم دیکھتے ہو کہ يُعَلِّمُهُمُ الْكِتَبَ وَالْحِكْمَةَ وہ انہیں تعلیم بھی دینے لگ گیا ہے اور پس پردہ حکمتیں اور فلسفے بھی بیان کرنے لگ گیا ہے۔اس شان کا معلم ہمیں عطا ہوا۔آنحضرت صلی اللہ علیہ وسلم نے علم کے حصول پر بہت زور دیا اور علم کے متعلق نصیحتیں فرمائیں۔اس وجہ سے صحابہ علم میں بہت دلچسپی لیتے تھے۔آنحضور کی ہدایت پر صحابہ نے Greek یعنی یونانی اور دوسری زبانیں سیکھنی شروع کر دیں۔چنانچہ مسلمانوں کے علمی دور کا آغاز آنحضور کے زمانہ سے ہوا ہے۔پھر وہ ایک خاص مقام تک پہنچا اور عروج کے بعد پھر تنزل پذیر ہوا ہے۔اور پھر دنیا اس جہالت کے دور میں دوبارہ داخل ہو گئی ، جو عرب جہالت کا دور تھا۔یعنی قبل از اسلام جہالت کا دور تب اللہ تعالیٰ نے حضرت مسیح موعود علیہ الصلواۃ والسلام کو مبعوث فرمایا۔آپ نے نہ صرف یہ کہ دعائیں کیں بلکہ بڑی عظیم خوشخبریاں سنائیں اور بتایا کہ میرے ماننے والوں اور میرے غلاموں میں سے خدا ایسے لوگ پیدا کرے گا، جو ہر علم اور ہر فلسفے میں بڑے بڑے دنیا دار علماء کے منہ بند کر دیں گے۔حضرت مسیح موعود علیہ الصلوۃ والسلام 164