تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 384
خطاب فرمودہ 04 نومبر 1977ء تحریک جدید - ایک الہبی تحریک۔۔۔جلد پنجم ڈالی گئی ہیں۔پھر وہ یہ جانتا ہے کہ جو کچھ بھی ہم اس چھوٹی سی زندگی میں کریں، اس کے مقابلہ میں ابدی جنتوں کا وعدہ ہے، نہ ختم ہونے والے انعامات کا وعدہ، جن کی آپس میں نسبت ہی کوئی نہیں۔به محض فضل الہی اور خدا تعالیٰ کی رحمت ہے، جو انسان کو اتنے بڑے انعامات کا وارث بنا دیتی ہے۔ورنہ اردو میں ایک محاورہ مشہور ہے کہ کیا پدی اور کیا پدی کا شوربہ۔ہمارے اعمال کیا حیثیت رکھتے ہیں؟ اگر انہی کے مطابق جزا دی جاتی تو اس عمر کے مطابق ہو جاتی۔مثلاً اگر کسی نے ساٹھ سال نیکیاں کی ہیں تو اسے ساٹھ سال کے لئے جنت مل جاتی۔اگر کسی نے 80 سال خدا تعالیٰ کی خاطر تقوی شعاری سے کام لیا ہے تو80 سال کے لئے خدا تعالیٰ کی رضا کی جنتیں اس کے نصیب میں لکھ دی جاتیں۔لیکن یہاں تو معاملہ یہ ہے کہ انسان اس مختصر سی زندگی میں، جو کچھ تھوڑا بہت خدا کے حضور پیش کرتا ہے ، جب اللہ تعالیٰ اس کی کوشش کو قبول کر لے تو اسے وہ جنتیں ملتی ہیں اور وہ انعامات ملتے ہیں، جن کی کوئی انتہانہیں، جن کا کوئی خاتمہ نہیں۔اور پھر مرنے کے بعد نہیں بلکہ اس زندگی میں اس کے لئے ایک جنت شروع ہو جاتی ہے۔اور وہ خدا تعالیٰ کی رحمت کے سائے تلے ہنستا مسکراتا، مخالف قوتوں کی آنکھوں میں آنکھیں ڈالتے ہوئے شاہراہ غلبہ اسلام پر آگے ہی آگے بڑھتا چلا جاتا ہے۔پس میرا مقصد اس وقت مختصر تقریر سے یہ ہے کہ میں کوشش کروں کہ آپ اپنے مقام کو پہچاننے لگیں۔نبی کریم صلی اللہ علیہ وسلم کی بعثت کے ساتھ نوع انسانی، جس کا تعلق ہمارے آدم کے ساتھ ہے، کی زندگی میں ایک ایسا انقلاب بپا ہو گیا اور ایک ایسی انقلابی حرکت پیدا ہو گئی کہ جو اس سے پہلے کبھی نہیں ہوئی اور نہ قیامت تک اس قسم کا عظیم انقلاب بپا ہو سکتا ہے۔انقلابی حرکت یا انقلاب، ایک چیز جو آہستہ آہستہ آگے بڑھ رہی ہے، وہ نہیں بلکہ زمین و آسمان تہ و بالا کر دیئے جائیں اور ایک نئی زمین ہو اور نیا آسمان پیدا ہو جائے۔یہ ہے، انقلاب۔تا ہم انسان اپنی کوشش میں انفرادی طور پر بھی اور اجتماعی زندگی میں بھی ارتقائی مراحل میں سے گزرتا ہے، ترقی کرتا ہے، چھوٹے سے بڑا ہوتا ہے۔جو کمزور قو میں ہیں، وہ طاقتور ہو جاتی ہیں۔جو سائنس اور تحقیق اور علم میں پیچھے ہوتی ہیں، وہ آگے نکل جاتی ہیں۔وہ زمین کو چھوڑ کر چاند پر پہنچ جاتی ہیں۔اور دنیا کو اکٹھا کرنے کے خواب دیکھنے لگتی ہیں۔اشتراکی انقلاب نے ساری دنیا کے انسان کے ایک حصہ کو، جس کو ہم ایک بڑا حصہ کہہ سکتے ہیں، اکٹھا کرنے کے خواب دیکھے تھے۔جب انہوں نے یہ اعلان کیا تھا کہ PROLETARIAT OF WORLD UNITE 384