تذکار مہدی

تذکار مہدی — Page 446

تذکار مهدی ) 6446 روایات سیّد نا محمود جاتے۔اعجاز مسیح کی تحریر کے وقت ستر دن تک ظہر و عصر کی نمازیں جمع ہوتی رہیں۔حالانکہ نہ بارش ہوتی اور نہ کوئی اور وجہ تھی۔مگر جب آپ جمع کرتے تو دوسرے بھی جمع کر لیتے تھے۔پس یہ تو جائز ہے اور اگر میری طرف سے اعلان ہوتا کہ میں نمازیں جمع کراؤں گا تو لوگ انتظار کر سکتے تھے۔پھر جمع دونوں وقت ہو سکتی ہیں۔پہلے وقت میں بھی اور آخر وقت میں بھی۔پورے طور پر خدا تعالیٰ کے بن جاؤ خطبات محمود جلد 14 صفحہ 199) بعض لوگ مرغا کھانے کے بہت شوقین ہوتے ہیں۔چوہدری ظفر اللہ خان صاحب میرے بچپن کے دوست ہیں۔انہیں مرغے کی ٹانگ بڑی پسند ہے۔حضرت مسیح موعود علیہ الصلوۃ والسلام کو بھی بڑی پسند تھی۔ایک دوست جو فوت ہو گئے وہ کہا کرتے تھے کہ اگر کسی کو ساری عمر مرنے کی ٹانگ ملتی رہے تو اسے اور کیا چاہئے لیکن مجھے پسند نہیں کیونکہ اس کی بوٹی میرے دانت میں پھنس جاتی ہے۔بہر حال بعض چیزیں ایسی ہوتی ہیں جو لوگوں کو بہت مرغوب ہوتی ہیں اور وہ سمجھتے ہیں کہ اگر وہ چیز میں انہیں مل جائیں تو وہ بڑے خوش قسمت ہیں۔لیکن وہ چیزیں بہت ادنیٰ اور معمولی ہوتی ہیں اور پھر ان چیزوں کے حصول کے بعد بھی اور ہزاروں چیزوں کی احتیاج انسان کو باقی رہتی ہے۔لیکن اس میں کوئی شبہ نہیں کہ اگر خدا تعالیٰ پر ہمیں کامل یقین ہو اور اگر خدا ہمیں مل سکتا ہو تو پھر قطعی اور یقینی طور پر انسان کہہ سکتا ہے کہ اس کے بعد مجھے کسی اور کی کیا ضرورت ہے۔انبیاء علیہ السلام بڑے قیمتی وجود ہیں اور اُن کی محبت انسان کے ایمان کا ایک ضروری جزو ہے لیکن یہ کس طرح ہو سکتا ہے کہ کسی کو خدامل جائے اور اُسے انبیاء علیہ السلام نہ ملیں۔انبیاء علیہ السلام تو اُسے شوق سے ملیں گے اور کہیں گے کہ جو تمہارا محبوب ہے وہ ہمارا بھی محبوب ہے اور جب وہ تم سے محبت کرتا ہے تو ہم بھی تم سے محبت رکھتے ہیں۔مذاہب عالم پر نظر ڈالنے سے بھی یہی معلوم ہوتا ہے کہ خدا تعالیٰ کے متعلق تمام مذاہب اس بات پر متفق ہیں کہ وہ مل سکتا ہے گو اُس کے ملنے کی شکلیں ان کے نزد یک الگ الگ ہیں۔تعلق باللہ ، انوار العلوم جلد 23 صفحہ 127 )