تذکار مہدی — Page 506
تذکار مهدی ) 506 حضرت مسیح موعود علیہ السلام کی تین متبرک انگوٹھیاں روایات سید نا محمود آہستہ آہستہ اللہ تعالیٰ خود ہی اسلام کی اشاعت کے سامان پیدا کر رہا ہے اور وہ دن دور نہیں جب حضرت مسیح موعود علیہ الصلوۃ والسلام کا یہ الہام پورا ہو گا کہ ”بادشاہ تیرے کپڑوں سے برکت ڈھونڈیں گے۔بادشاہتیں تو آہستہ آہستہ ختم ہو رہی ہیں۔لیکن ملک کا پریذیڈنٹ اور صدر بھی بادشاہ ہی ہوتا ہے۔اگر روس کا صدر اور وزیر اعظم مسلمان ہو جائیں تو وہ بھی بادشاہ سے اپنی حیثیت میں کم نہیں اور وہ حضرت مسیح موعود علیہ الصلوۃ والسلام کے کپڑوں سے برکت ڈھونڈیں گے۔لیکن وہ حضرت مسیح موعود علیہ الصلوۃ والسلام کے کپڑوں سے اسی وقت برکت ڈھونڈیں گے۔جب تم آپ کی کتابوں سے برکت ڈھونڈنے لگ جاؤ۔جب تم حضرت مسیح موعود علیہ الصلوۃ والسلام کی کتب سے برکت ڈھونڈ نے لگ جاؤ گے تو خدا تعالیٰ ایسے بادشاہ پیدا کر دے گا جو کہ آپ کے کپڑوں سے برکت ڈھونڈیں گے۔لیکن ابھی تک تو صدر انجمن احمدیہ نے بھی انتظام نہیں کیا کہ کس طرح حضرت مسیح موعود علیہ الصلوۃ والسلام کے کپڑوں کو محفوظ رکھا جائے۔آخر بادشاہ برکت ڈھونڈ میں گے تو کہاں سے ڈھونڈ میں گے۔صدرانجمن احمدیہ کو چاہئے تھا کہ وہ بعض ماہر ڈاکٹر بلاتی۔جو اس بات پر غور کرتے کہ حضرت مسیح موعود علیہ الصلوۃ والسلام کے کپڑے کس طرح محفوظ رکھے جاسکتے ہیں اور ان کپڑوں کو شیشوں میں بند کر کے اس طرح رکھا جاتا کہ وہ کئی سو سال تک محفوظ رہتے یا انہیں ایسے ممالک میں بھجوایا جاتا۔جہاں کپڑوں کو کیٹر انہیں لگتا۔مثلاً امریکہ ہے۔وہاں یہ کپڑے بھیج دیئے جاتے تا انہیں محفوظ رکھا جا سکتا اور آئندہ آنے والی نسلیں ان سے برکت حاصل کرتیں۔حضرت مسیح موعود علیہ الصلوۃ والسلام کی وفات کے بعد والدہ صاحبہ کی خواہش تھی کہ عمر میں بڑا ہونے کی وجہ سے آپ کی آلَيْسَ اللهُ بِكَافٍ عَبْدَهُ والی انگوٹھی مجھے ملے۔ہم تین بھائی تھے اور تین ہی انگوٹھیاں تھیں۔مگر باوجود خواہش کے آپ نے قرعہ ڈالا اور عجیب بات یہ ہے کہ تین بار قرعہ ڈالا گیا اور تینوں دفعہ ہی اَلَيْسَ اللهُ بِكَافٍ عَبْدَهُ والی انگوٹھی میرے نام نکلی۔غَرَسْتُ لَكَ بِيَدِی رَحْمَتِی وَ قُدْرَتِی والی انگوٹھی میاں بشیر احمد صاحب کے نام نکلی اور تیسری انگوٹھی جو وفات کے وقت آپ کے ہاتھ میں تھی اور اس پر مولا بس“ لکھا ہوا تھا۔تینوں دفعہ میاں شریف احمد صاحب کے نام نکلی اب دیکھو کہ کتنا خدائی تصرف ہے۔ایک بار قرعہ ڈالنے میں غلطی ہوسکتی ہے۔دوسری بار قرعہ ڈالنے میں بھی غلطی ہوسکتی ہے۔لیکن تین بار