تأثرات

تأثرات — Page 126

تأثرات_خلافت احمد یہ صد سالہ جوبلی تقریبات 2008ء ایک ایمان افروز واقعہ: 115 Excel Centre میں منعقد ہونے والی تقریب کو دیکھنے والے غیر از جماعت لوگوں کے عمومی تاثرات اور خصوصا ڈیوٹی پر تعینات ایک خاتون سکیورٹی اہل کار کا ذکر کرتے ہوئے حضور انور ایدہ اللہ تعالی نے اپنے خطبہ میں فرمایا: اُس وقت وہاں اردگرد کے ماحول میں ایکسیل Excel Centre کے مقامی لوگ بھی حیرت سے لوگوں کو جمع ہوتے اور ایک عجیب کیفیت میں دیکھ کر حیران تھے کہ یہ کون لوگ ہیں؟ عموماً تو یہ تاثر ہے کہ مسلمان Disciplined نہیں ہوتے ، عجیب و غریب ان کی روایات ہیں۔یہی مغرب میں تاثر دیا گیا ہے لیکن اُس وقت ان کی حالت عجیب تھی اور یہ دیکھ رہے تھے کہ یہ تو عجیب قسم کے لوگ ہیں جو لگتے تو مسلمان ہیں لیکن ان میں ایک طرح کی تنظیم ہے۔ایشیائی اکثریت ہونے کے باوجود ان میں مختلف قومیتیوں کے لوگ بھی شامل ہیں اور ہر بچے ، جوان، مرد، عورت اور مختلف قوموں کے لوگوں کا رُخ جو ہے ایک طرف ہے۔خلافت سے محبت اور عقیدت جو ان کے دلوں میں ہے اُس کا اظہار ان کے چہروں سے بھی ظاہر وعیاں ہے بلکہ جسم کے ہر عضو سے ہو رہا ہے۔Excel Centre کی ایک سکورٹی خاتون کارکن جو وہاں تھیں، انہوں نے ہماری خواتین کو کہا کہ یہ ایسا نظارہ ہے جو میرے لیے بالکل نیا ہے، بالکل ایک نیا تجربہ ہے اور اس کو دیکھ کر آج مجھے پتہ چلا کہ اسلام کیا ہے؟ میں تو اس نظارے کو دیکھ کر ہی مسلمان ہونا چاہتی ہوں۔بہر حال اِن لوگوں میں تو عارضی کیفیت فوری رد عمل کے طور پر پیدا ہوتی ہے، اُس کا اظہار بھی کر دیتے ہیں لیکن دُعا ہے کہ اس خاتون اور اس جیسے بہت سوں کے دلوں میں یہ نظارہ پاک تبدیلی پیدا کرنے کا ذریعہ بن جائے۔ہمارا مقصد اور مدعا تو یہی ہے کہ دُنیا اپنے پیدا کرنے والے کو پہچانے اور آنحضرت صلی اللہ علیہ وسلم کے جھنڈے تلے جمع ہو جائے۔چاہے جس ڈھب سے بھی کوئی سمجھے یا کسی بات سے بھی کوئی سمجھے۔پس اس خلافت جوبلی کے جلسہ میں جس میں اپنوں اور غیروں نے وحدت کی ایک نئی شان دیکھی ہے یہ آج صرف اور صرف حضرت مسیح موعود علیہ السلام کی جماعت کا خاصہ ہے۔آج اس وحدت کی وجہ سے عافیت کے حصار میں اللہ تعالیٰ کے وعدوں کے مطابق کوئی جماعت ہے تو وہ صرف اور صرف مسیح محمدی کی جماعت ہے۔باقی سب انتشار کا شکار ہیں اور رہیں گے جب تک کہ وہ اللہ تعالیٰ کے انعام کی قدر نہیں کریں گے۔جب