تأثرات

تأثرات — Page 110

تأثرات_خلافت احمد یہ صد سالہ جوبلی تقریبات 2008ء فرمایا: تحریری پیغام از حضور انور ایدہ اللہ تعالی بر موقع 27 مئی 2008 ء 100 حضور انور ایدہ اللہ تعالیٰ نے 27 مئی 2008ء کے موقع پر عالمگیر جماعت احمدیہ کو پیغام دیتے ہوئے ”میرے پیارے عزیز احباب جماعت ! بسم اللہ الرحمن الرحیم السلام علیکم ورحمۃ اللہ و برکاتہ آج خلافت احمدیہ کے سو سال پورے ہو رہے ہیں۔یہ دن ہمیں سو سال سے زائد عرصہ میں پھیلی ہوئی جماعت احمدیہ کی تاریخ اور اس وقت کی یاد دلاتا ہے جب آنحضرت صلی اللہ علیہ وسلم کی پیش گوئی کے مطابق مارچ 1889ء میں اللہ تعالیٰ کے ایک برگزیدہ نے اللہ تعالیٰ سے اذن پا کر ایک پاک جماعت کے قیام کا اعلان کیا۔آپ کا مشن اور اس جماعت کے قیام کا مقصد خدا اور بندے میں تعلق پیدا کرنا، بنی نوع انسان کو خدائے واحد کے آگے جھکنے والا بنے کی تعلیم دینا اور اس کے لیے کوشش کرنا، تمام اقوام عالم کو اُمت واحدہ بنا کر آنحضرت صلی اللہ علیہ وسلم کے جھنڈے تلے جمع کرنا، انسان کو انسان کے حقوق کی ادائیگی کی طرف توجہ دلانا تھا۔وہ شخص جس کو خدا تعالیٰ نے زمانے کے امام اور مسیح و مہدی کے لقب سے ملقب کر کے بھیجا تھا۔قیام جماعت اور آغاز بیعت 1889ء سے 1908 ء تک تقریباً اُنیس سال اللہ تعالیٰ کی خاص تائید و نصرت سے اپنے مشن کو تمام تر مخالفتوں اور نا مساعد حالات کے باوجود اس تیزی سے لے کر آگے بڑھا کہ ہر مخالف جو بھی اس جری اللہ کے مقابلہ پر آیا ذلت اور رسوائی کا منہ دیکھنے والا بنا۔آخر اللہ تعالیٰ کی تقدیر کے مطابق کہ ہر انسان جو اس فانی دنیا میں آیا اُس نے آخر کو اس دُنیا کو چھوڑنا ہے اور وہ شخص جو اللہ کا خاص بندہ اور رسول اللہ صلی اللہ علیہ وسلم کا عاشق صادق تھا، وہ تو اپنے آقا کی سنت کی پیروی میں رفیق اعلیٰ سے ملنے کے لیے ہر وقت بے چین رہتا تھا۔اللہ تعالیٰ نے اپنے اُس بندے کو جسے امام آخر الزمان بنا کر بھیجا تھا، واپسی کے اشارے دیتے ہوئے یہ تسلی دی کہ گو تیرا وقت اب قریب ہے لیکن چونکہ تجھے میں نے اپنے اعلان کے مطابق امام آخر الزمان بنایا ہے، اس لیے اے میرے پیارے! اے وہ شخص جو میری توحید کے قیام اور میرے محبوب نبی صلی اللہ علیہ وسلم کی حکومت تمام دُنیا میں قائم کرنے کا درد رکھتا ہے تو یہ فکر نہ کر کہ تیرے مرنے کے بعد تیرے اس کام کی تکمیل