تاریخ احمدیت (جلد 23) — Page 342
تاریخ احمدیت۔جلد 23 342 سال 1965ء تراجم قرآن کریم کے علاوہ بہت سی کتب کا حضور نے مختلف زبانوں میں ترجمہ کروایا۔اور ان کی اشاعت کروائی۔مثلاً احمدیت یعنی حقیقی اسلام۔اسلامی اصول کی فلاسفی وغیرہ۔جن کتابوں کا ترجمہ دوسری زبانوں میں کروایا گیا ہے ان کی فہرست بڑی لمبی ہے تفصیل بیان نہیں کی جاسکتی۔غرض قرآن کریم کے علوم اور معارف جو اللہ تعالیٰ نے آپ کو عطا فرمائے تھے ضروری تھا کہ ان کو کثرت سے دنیا میں پھیلایا جاتا اور یہ کام ہو نہیں سکتا تھا جب تک کہ ان کے تراجم دوسری زبانوں میں نہ کرائے جاتے۔اور اس کام کو بڑی حد تک حضرت مصلح موعود نے پورا کیا۔اور بہت سا کام جو باقی ہے وہ انشاء اللہ اپنے وقت پر ہو جائے گا۔پھر دین اسلام کا شرف اور کلام اللہ کا مرتبہ بنی نوع انسان پر ظاہر کرنے کے لیے تمام دنیا میں مساجد کا ایک جال پھیلایا جانا ضروری تھا۔حضور نے اس کی طرف بھی خاص توجہ دی۔اور اللہ تعالیٰ کے فضل سے اب تک کئی ممالک میں مساجد تعمیر کروائی جاچکی ہیں۔مساجد کے متعلق یا درکھنا چاہیے کہ مساجد دینی علوم سیکھنے کے لیے درس گاہوں کا کام دیتی ہیں اور تربیت کے لیے مساجد کا ہونا نہایت ضروری ہے۔اگر مسجد کو اخلاص نیک نیتی اور أُيْسَ عَلَى التَّقْوَى مِنْ أَوَّلِ يَوْمٍ اَحَقُّ أَنْ تَقُوْمَ فِيْهِ (التوبه : ۱۰۸) کے طور پر بنایا جائے۔تو حضرت مسیح موعود علیہ الصلوۃ والسلام فرماتے ہیں۔اگر ایک نمازی بھی نہ ہو تب بھی اللہ تعالیٰ اس قسم کی مساجد کے لیے نمازی پیدا کر دیتا ہے۔غرض مساجد انسانی معاشرہ کے اندر بڑا ضروری کردار ادا کرتی ہیں۔حضرت مصلح موعود نے اس طرف خاص توجہ دی اور آپ کے مبارک عہد میں جو مساجد تعمیر ہوئیں ان کی فہرست درج ذیل ہے: سوئٹزرلینڈ امریکہ انگلستان ہالینڈ فلسطین ماریشس ۶ انڈونیشیا سیرالیون ۳۰ نائیجیریا 2 بر ما غانا یوگینڈا ۱۶۲ と