تاریخ احمدیت (جلد 4) — Page 258
۔جلد 250 خلافت ثانیہ کا ساتواں سال یہ حالات تھے جن میں حضرت خلیفتہ المسیح ایدہ اللہ تعالٰی نے حضرت مفتی محمد صادق صاحب کو جو اس وقت انگستان میں تھے امریکہ چلے جانے کا حکم صادر فرمایا۔آپ ۲۶ جنوری ۱۹۲۰ء کو انگلستان کی بندر گاہ لور پول سے روانہ ہوئے۔اور ۱۵ فروری ۱۹۲۰ کو امریکہ کی بندرگاہ فلاڈلفیا پر اترے لیکن شہر کے اندر داخل نہ ہو سکے کیونکہ راہداری کے انسپکڑنے کئی گھنٹے کی پوچھ گچھ کے بعد صرف اس وجہ سے کہ آپ ایک ایسے مذہب کے داعی و مبلغ تھے جو تعدد ازدواج کی اجازت دیتا ہے آپ کو ملک میں داخل ہونے کی اجازت نہ دی۔اور فیصلہ کیا کہ آپ جس جہاز میں آئے ہیں اس میں واپس چلے جائیں۔حضرت مفتی صاحب نے اس فیصلہ کے خلاف محکمہ آباد کاری (واشنگٹن) میں اپیل کی۔اپیل کے فیصلہ تک آپ کو سمندر کے کنارے ایک مکان میں بند کر دیا گیا۔جس سے باہر نکلنے کی ممانعت تھی مگر چھت پر مل سکتے تھے۔اس کا دروازہ دن میں صرف دو مرتبہ کھلتا تھا جبکہ کھانا کھلایا جاتا تھا۔اس مکان میں کچھ یور چین بھی نظر بند تھے جو عموما نوجوان تھے اور پاسپورٹ نہ ہونے کی وجہ سے اس وقت تک کے لئے یہاں نظر بند کر دیئے گئے تھے جب تک حکام کی طرف سے ان کے متعلق کوئی فیصلہ ہو۔یہ لوگ حضرت مفتی صاحب کا بڑا ادب کرتے تھے۔اور ان کی ضرویات کا خیال رکھتے تھے۔ان کے لئے نماز پڑھنے کی جگہ بھی انہوں نے بنادی تھی۔اور برابر خدمت کرتے رہتے تھے۔حضرت مفتی صاحب نے موقعہ سے فائدہ اٹھا کر ان نوجوانوں ہی کو تبلیغ کرنا شروع کر دی جس کا نتیجہ یہ نکلا کہ دوماہ کے اندر پندرہ آدمی اسی مکان میں مسلمان ہوئے۔ادھر یہ صورت ہوئی ادھر آپ کی شہرت کا غیبی سامان یہ ہوا کہ امریکن پریس نے آپ کی آمد اور ملک میں داخلے کی ممانعت کا بہت چرچا کیا۔اور بعض مشہور ملکی اخبارات مثلاً " فلاڈلفیا ریکارڈ"۔پلک ریکارڈ"۔نارتھ امریکن بلیٹین " ایوننگ بلیٹین " پبلک لیجر "۔دی پریس " نے نہ صرف آپ کی آمد کے بارے میں خبر دی۔بلکہ جماعت احمد یہ کے حالات بھی شائع کئے۔سید نا حضرت خلفته المسیح ایدہ اللہ تعالٰی نے امریکی حکومت کے اس رویہ پر سخت افسوس کا اظہار کرتے ہوئے فرمایا۔امریکہ جسے طاقتور ہونے کا دعوی ہے اس وقت تک اس نے مادی سلطنتوں کا مقابلہ کیا اور انہیں شکست دی ہو گی۔روحانی سلطنت سے اس نے مقابلہ کر کے نہیں دیکھا۔اب اگر اس نے ہم سے مقابلہ کیا تو اسے معلوم ہو جائے گا کہ ہمیں وہ ہر گز شکست نہیں دے سکتا کیونکہ خدا ہمارے ساتھ ہے ہم امریکہ کے ارد گرد علاقوں میں تبلیغ کریں گے اور وہاں کے لوگوں کو مسلمان بنا کر امریکہ بھیجیں گے اور ان کو امریکہ نہیں روک سکے گا اور ہم امید رکھتے ہیں کہ امریکہ میں ایک دن الا الہ الا اللہ محمد رسول اللہ