تاریخ احمدیت (جلد 1) — Page 642
تاریخ احمدیت جلدا اخبار احکم کا اجراء جماعت احمدیہ کے سب سے پہلے اخبار "الحکم کا اجراء جماعت احمدیہ کے قیام پر آٹھ برس ہو رہے تھے اور ابھی تک جماعت اپنے اخبار سے محروم تھی حضرت اقدس مسیح موعود علیہ السلام اور آپ کے مخلصین کے کو ایک عرصہ سے اس کا احساس تھا لیکن اقتصادی حالات اس کی اجازت نہیں دیتے تھے۔آخر ایک لمبی کشمکش کے بعد اس سال کے آخر میں جماعت کے ایک باہمت اور پر جوش نوجوان حضرت شیخ یعقوب علی صاحب تراب کو (جو اس وقت امرت سر میں رہتے تھے اور ایک کامیاب صحافی کی حیثیت سے ادبی حلقوں میں ان کے زور قلم کی دھاک بیٹھی ہوئی تھی اس طرف پر زور تحریک ہوئی جس پر انہوں نے حضرت اقدس کی خدمت میں ایک عریضہ لکھا۔حضرت اقدس نے اپنے دست مبارک سے اس عریضہ کا جواب دیا۔جس کا خلاصہ یہ تھا کہ ہم کو اس بارہ میں تجربہ نہیں۔اخبار کی ضرورت تو ہے مگر ہماری جماعت غرباء کی جماعت ہے۔مالی بوجھ برداشت نہیں کر سکتی۔آپ اپنے تجربہ کی بناء پر جاری کر سکتے ہیں تو کر لیں اللہ تعالی مبارک کرے"۔حضرت شیخ یعقوب علی صاحب تراب اس وقت بالکل تہی دست تھے۔دوسری طرف آپ کے بعض دوست آپ کو سرکاری ملازمت میں لانے پر مصر تھے مگر خد اتعالیٰ نے ان کی دستگیری فرمائی اور الحکم ایسا بلند پایہ ہفت روزہ اخبار جاری کرنے میں کامیاب ہو گئے۔اخبار "الحکم " کا پہلا پرچہ ۸- اکتوبر ۱۸۹۷ء کو شائع ہوا۔یہ اخبار ۱۸۹۷ء کے آخر تک ریاض ہند پریس امرت سر میں چھپتا اور امرت سر ہی سے شائع ہو تا تھا۔مگر ۱۸۹۸ء کے آغاز میں یہ مرکز احمدیت میں منتقل ہو گیا۔اور چند برسوں کے وقفہ کے ساتھ جولائی ۱۹۴۳ء تک جاری رہا۔الحکم کے دور ثانی میں زمام ادارت ان کے فرزند جناب شیخ محمود احمد صاحب عرفانی 1 مجاہد مصر نے نہایت عمدہ رنگ میں سنھبال لی اور الحکم کو اپنی زندگی کے آخری لمحات تک زندہ رکھا۔الحکم کے ابتدائی حالات کے بارے میں حضرت شیخ یعقوب علی صاحب لکھتے ہیں۔