تاریخ انصاراللہ (جلد 2) — Page 309
۳۰۹ ماہنامہ انصار الله مجلس کے ترجمان ماہنامہ انصار اللہ کو اس کے اجراء سے ہی خاص اہمیت حاصل رہی ہے۔اس کا اجمالی تعارف اور اغراض و مقاصد کا تذکرہ تاریخ انصار اللہ جلد اوّل میں آچکا ہے۔مجلس کی تاریخ کے اس عرصہ کے دوران میں یہ ماہنامہ اپنے تمام اغراض و مقاصد پورا کرنے کیلئے کوشاں رہا جس کے لئے اسے جاری کیا گیا تھا۔سلسلہ احمدیہ کے علم کلام ، اعتقادات کی تشریح و توضیح اور انصار کی تعلیم و تربیت کی خاطر ماہنامہ انصار اللہ خدا تعالیٰ کے فضل سے نہایت مؤثر طور پر کام کرتا رہا۔مجلس انصار اللہ کی مساعی ماہنامہ کے اوراق کی زینت بنتی رہیں تنظیم کے استحکام اور انصار کی علمی سطح کو بلند کرنے اور ان کی تعلیم و تربیت کے معیار کو آگے بڑھانے کے لئے بھی ماہنامہ انصار اللہ نے حتی المقدور بھر پور کردارادا کیا۔تربیت: ماہنامہ انصار اللہ کا بنیادی مقصد نہ صرف انصار بلکہ ہر عمر کے احمدی احباب کی علمی، اخلاقی اور روحانی نشو ونما ہے تا کہ وہ ہر آنے والی نسل کیلئے مشعل راہ ثابت ہوں اور اخلاقی اقدار ہمیشہ زندہ رہیں جن کا احیاء حضرت مسیح موعود علیہ السلام کی بعثت کے مقاصد میں سے ایک ہے۔چنانچہ ماہنامہ حضرت اقدس مسیح موعود کے ارشادات امام الکلام“ کے عنوان سے اور خلفائے سلسلہ احمدیہ کے اقتباسات ” کلام الامام" کے عنوان سے با قاعدہ شائع کرتا رہا۔اسی طرح حضرت مسیح موعود کے عربی اور فارسی منظوم کلام کے علم و عرفان کا مائدہ ہر ماہ پیش کیا جاتا رہا۔سیرت صحابہ کرام آنحضرت صلی اللہ علیہ وسلم و حضرت مسیح موعود رسالہ کا مستقل عنوان رہی۔ماہنامہ کے اداریوں میں بزرگوں کا عمدہ نمونہ اور ان کے حسن کردار اور بعض اہم تربیتی موضوعات پر ایسا مواد پیش کیا جاتا رہا جس سے جماعتی تربیت پہ گہرے مثبت اثرات مترتب ہوئے۔محبت الہی ، نماز باجماعت کی اہمیت، مالی قربانیاں اور خدمات ، قرآن کریم کی عظمت ، تلاوت اور قرآن کریم سیکھنے کی اہمیت، مطالعہ کتب حضرت اقدس، تربیت اولا د نیز عمومی تربیتی موضوعات پر بکثرت مضامین لکھے گئے جو خدا تعالیٰ کے فضل سے مفید ثابت ہوتے رہے۔علمی مضامین: ماہنامہ اپنی روایات کو قائم رکھتے ہوئے بلند پایہ علمی و تحقیقی مضامین شائع کرتا رہا۔خصوصاً رسالہ کی خاص اشاعتوں میں علماء اور محققین نے نہایت اہم اور قیمتی مضامین تحریر کئے۔اسلام واحمدیت کا دیگر مذاہب عالم کے مقابل پر تفوق ثابت کیا گیا۔قرآن و حدیث کی عظمت اور دیگر متفرق علمی موضوعات پر مضامین شائع کئے جاتے رہے جو قارئین کے لئے ذہنی اور قلبی تسکین کا موجب بنتے رہے۔مثلاً وفات مسیح نئے حقائق کی روشنی میں، از مکرم شیخ عبد القادر صاحب محقق جمع القرآن از مکرم پروفیسر سعود احمد خان صاحب او شمارہ اگست ۱۹۷۹ء مارچ ۱۹۸۱ء