سلسلہ احمدیہ

سلسلہ احمدیہ — Page 513

513 اس کو نظر انداز نہ کرو۔انگلستان کی ٹیلی وژن جو ITV کہلاتی ہے اس نے بھی ایک خاص رنگ میں اس خبر کو دکھایا۔جنرل ضیاء الحق صاحب کی تصویر بھی دکھائی اور یہ اعلان کیا کہ پاکستان کے بارڈر کے نزدیک روس نے بمباری کی ہے جو غالباً افغانستان اور پاکستان کی سرحد کے قریب تھی۔یہ کہنے کے بعد نیوز کاسٹر نے یہ فقرہ بولا General Zia of Pakistan flew himself to examine bombed area and it was on the Friday the 31st of May اب یہ فقرہ کہنا It was on the Friday 31st of May یہ بھی اللہ تعالیٰ کی تقدیر نے نمایاں طور پر نکلوایا اور اس دن کو غیر معمولی اہمیت دی گئی۔پس جہاں تک جماعت احمدیہ کا تعلق ہے وہ تو پہلے ہی انتظار میں لگے ہوئے تھے، دیکھ رہے تھے اور ان کا دل چاہتا تھا کہ کچھ ظاہر ہو اور ہم اپنے دوستوں اور ان لوگوں میں جن میں تشہیر کر چکے ہیں ان کو کہ سکیں کہ دیکھو یہ خدا کی طرف سے ایک نشان تھا جو ظاہر ہو گیا۔اس لئے دشمن کہہ سکتا ہے کہ یہ ان کی خوش فہمیاں تھیں۔Wishful Thinking تھی۔چاہتے تھے کہ کچھ ہو جائے۔کچھ ہوا اور انہوں نے کہہ دیا کہ دیکھو ہو گیا، ہو گیا۔لیکن ضیاء الحق صاحب تو نہیں چاہتے کہ کچھ ہو جائے۔لولاک کے مدیر تو نہیں چاہتے تھے کہ کچھ ہو جائے۔جماعت اسلامی کے سر براہ تو نہیں چاہتے تھے کچھ ہو جائے۔ان کی تو لگا ہیں خدا نے دس مئی پر ہی مرکوز رکھیں اور وہ بھول ہی گئے کہ دس رمضان کا بھی ایک جمعہ آنے والا ہے۔اگر ان کے وہم و گمان میں بھی یہ بات آجاتی کہ جماعت احمد یہ اسے خدا تعالیٰ کے ایک نشان کے طور پر پیش کرے گی تو شاید قیامت بھی ٹوٹ پڑتی تو وہ منہ سے کچھ نہ بولتے یا اپنے قلم سے کچھ نہ لکھتے۔تو یہ خدا تعالیٰ کی طرف سے ایک واضح نشان تھا جو اللہ تعالیٰ کے فضل اور احسان کے نتیجہ میں پورا بھی ہوا اور ایک رنگ میں عذاب ٹل بھی گیا۔“ اسی طرح آپ نے فرمایا: دس جمعتہ المبارک رمضان شریف میں جو واقعہ رونما ہوا ہے اس کے یہ پہلو کھل کر اب سامنے آگئے ہیں۔اول ان نشانوں کا ایک سلسلہ جاری ہوا ہے جو وہیں رک جانے والا نہیں اور جب میں غور کرتا