سلسلہ احمدیہ

سلسلہ احمدیہ — Page iii

بِسْمِ اللهِ الرَّحْمٰنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ عرض حال ایک عرصہ سے میری یہ خواہش تھی کہ سلسلہ احمدیہ کی تاریخ اور سلسلہ کے مخصوص عقائد اور سلسلہ کی غرض و غایت اور سلسلہ کے مستقبل کے متعلق ایک مختصر مگر جامع رسالہ تصنیف کر کے ہدیہ ناظرین کروں تا کہ یہ رسالہ ان اصحاب کے کام آسکے جو سلسلہ احمدیہ کے متعلق علمی بحثوں میں پڑنے کے بغیر اس کے متعلق عام مگر مستند معلومات حاصل کرنا چاہتے ہیں اور اس بات کو سمجھنے کی خواہش رکھتے ہیں کہ یہ سلسلہ کیا ہے اور کس غرض و غایت کے ماتحت قائم ہوا ہے اور اس کے مستقبل کے متعلق کیا کیا امید میں وابستہ ہیں۔اب جب حضرت امیر المومنین خلیفہ امسیح الثانی ایدہ اللہ بنصرہ العزیز کی خلافت جو بلی کی خوشی کا موقع آیا تو میرے دل کی یہ پرانی آرزو پھر تازہ ہوگئی اور میں نے خدا کی مدد پر بھروسہ کرتے ہوئے اسے پورا کرنے کا تہیہ کر لیا۔اس عرصہ میں مجھے یہ معلوم کر کے اور بھی زیادہ خوشی ہوئی کہ خود حضرت امیر المومنین ایدہ اللہ کا بھی ارادہ تھا جیسا کہ آپ نے سیرت مسیح موعود کی تمہید میں لکھا ہے کہ اس قسم کا رسالہ تصنیف کر کے شائع فرما ئیں مگر دوسری اہم مصروفیتوں کی وجہ سے حضور کو فرصت نہیں مل سکی گویا میری یہ ناچیز کوشش حضور کے اس مبارک ارادہ کو بھی ایک حد تک پورا کرنے والی ہے۔اس رسالہ کا آخری نصف حصہ بہت جلدی میں اور آخری وقت پر لکھا گیا ہے اس لئے وہ اس قدر جامع اور مکمل نہیں جیسا کہ اسے بنایا جاسکتا تھا اور ممکن ہے کہ اس میں کو ئی غلطی بھی رہ گئی ہولیکن خدا نے چاہا تو یہ کمی کسی اور موقع پر پوری ہو جائے گی۔