شیطان کے چیلے — Page 422
420 کا کوئی الگ کلمہ نہیں ہے اور اس طرح چالاکی سے احمد یہ علم کلام پر حملہ کرنا چاہتا تھا۔غرض یہ تھی کہ احمدیوں کو ملزم کرے کہ اگر تمہارا یعنی حضرت مرزا صاحب کا الگ کلمہ نہیں ہے تو وہ نبی نہیں کہلا سکتے اور اگر کلمہ الگ ہے تو امت محمدیہ سے خارج ہو جاتے ہیں۔چالا کی کے اس پھندے سے نکلنے کی کوشش سے حضرت مرزا بشیر احمد صاحب نے یہ عبارت لکھی جس پر راشد علی بھر بھر کر حملے کر رہا ہے۔در حقیقت اس کا جواب جو مصنف کتاب ” کلمۃ الفصل‘ دینا چاہتے تھے اور وہی آج بھی ہر احمدی کا جواب ہے۔وہ جواب یہ ہے کہ یہ درست ہے کہ جماعت احمدیہ کا کوئی الگ کلمہ نہیں اور مولوی صاحب جو یہ بات پیش کرتے ہیں کہ جماعت کا کوئی الگ کلمہ ہے یہ بالکل جھوٹ ہے۔لا اله الا الله محمد رسول الله ہی جماعت احمدیہ کلمہ ہے۔ہم حضرت مرزا صاحب کو ہر گز محمد رسول اللہ ﷺ کے مقابل پر آزاد نبی کے طور پر تسلیم نہیں کرتے۔ہمارا عقیدہ یہ ہے کہ محمد رسول اللہ ﷺ کے غلام اور تابع کو اگر امتی نبی کے مقام پر سرفراز فرمایا جائے تو ہر گز نے کلمہ کی ضرورت نہیں کیونکہ محمد رسول اللہ ﷺ کا کلمہ ہی قیامت تک کے لئے ہے اور غیر متبدل ہے۔یہ بات معترض کو سمجھاتے ہوئے مصنف ” کلمۃ الفصل‘ نے ایک یہ طرز بھی اختیار کی کہ اسے بتائیں کہ اصل میں محمد نام اور محمد مقام اتنے عظیم ہیں کہ صرف گذشتہ زمانوں پر ہی حاوی نہیں آئندہ زمانوں پر بھی حاوی ہیں۔جس طرح یہ کہنا درست ہوگا کہ جملہ انبیاء کے نام جیسے آدم ، نوح ابراہیم" ، موسی عیسی وغیرہ محمد نام کے تابع اور اس کے کلمہ میں شامل ہیں اسی طرح یہ کہنا بھی درست ہے کہ بعد میں محمد رسول اللہ سے فیضیاب ہو کر اگر کسی امتی کو مقام نبوت عطا ہو تو وہ بھی اسم محمد کی جامعیت میں داخل ہوگا۔یہ استدلال کوئی محض ذوقی نکتہ نہیں بلکہ ایک ٹھوس حقیقت پر مبنی ہے۔جس پر شیطان کے چیلوں کی نظر نہیں۔اسم محمد" کی تصدیق میں اس لئے دوسرے انبیاء کی تصدیق شامل ہو جاتی ہے خواہ وہ بعد میں ہوں یا پہلے ہوں ، کہ قرآن کریم وہ کتاب ہے جس نے دیگر تمام انبیاء کی تصدیق بنائے ایمان میں داخل کر لی ہے اور اسلام ہی وہ مذہب ہے جس نے محمد رسول اللہ ﷺ پر ایمان لا نیوالے ہر شخص پر لازم کر دیا ہے کہ ایمان کے لئے محض یہ کافی نہیں ہے کہ صرف محمد رسول اللہ ﷺ پر ایمان لایا جائے بلکہ خدا کے دیگر انبیاء علیہم