سوانح فضل عمر (جلد چہارم) — Page 392
۳۹۲ نہیں چھوڑا۔اسی طرح وہاں کی تحریک جدید انجمن بھی وہیں ہے۔یہ انجمنیں قادیان کی جائیداد کا مطالبہ کر سکتی ہیں۔آپ کو بڑے زور سے اس امر کا مطالبہ کرنا چاہئے۔افراد کی جائیداد کا بیشک جھگڑا ہو لیکن صدرانجمن احمد یہ اور تحریک جدید جب کہ ہندوستان یونین میں موجود ہیں تو کیوں حکومت ان کے سپرد ان کی جائیداد نہ کرے۔کالج سکول ہسپتال ریتی چھلہ زمانہ سکول، دار الانوار کا گیسٹ ہاؤس ، خدام الاحمدیہ کے دفاتر، تحریک جدید کی زمینیں ، ان کے مالک قادیان میں بیٹھے ہیں۔آپ لوگ اس کے متعلق دعوی کریں اور ان لفظوں میں کریں کہ جب کہ ان جگہوں کے مالک صد را انجمن احمدید تحریک جدید اور خدام الاحمدیہ قادیان میں موجود ہیں اور جب کہ ان جگہوں سے فائدہ اٹھانے والے احمدی ہندوستان یونین میں موجود ہیں تو کس قانون کے ماتحت ان چیزوں پر قبضہ کیا گیا ہے۔یہ چیزیں ہمارے سپرد ہونی چاہئیں اور ہمیں ان کے استعمال کا موقع دینا چاہئے عقل کے ساتھ اور ادب کے ساتھ اگر ان مطالبات کو حکام کے سامنے بار بار رکھا جائے اور ان پر یہ روشن کیا جائے کہ ہندوستان یونین کے احمدی ہندوستان یونین کے وفادار ہیں جس طرح پاکستان کے احمدی پاکستان کے وفادار ہیں پھر ان سے باغیوں کا ساسلوک کیوں کیا جاتا ہے تو یقیناً حکومت ایک دن اپنا رویہ بدلنے پر مجبور ہوگی۔ال:۔جب تک پریس نہیں ملتا اس وقت تک جماعتوں کے نام چٹھی لکھ کر ہر پندرہویں روز بھیجوانا شروع کریں جس میں جماعتوں کو ان کے فرض کی طرف توجہ دلائی جائے۔اگر عہدہ داران جگہ چھوڑ گئے ہیں تو نئے عہدہ دار مقرر کرنے کی طرف توجہ دلائی جائے۔اگر عہدہ دار عہدوں پر موجود ہیں لیکن کام نہیں کرتے تو ان کو کام کرنے کی طرف توجہ دلائی جائے۔اگر بالکل بیدار نہیں ہوتے تو ان کو بدلنے کی طرف توجہ دلائی جائے۔قرآن شریف میں اللہ تعالیٰ فرماتا ہے۔فَذَكِرْاِنْ نَّفَعَتِ الذِّكْرُى اگر آپ پیچھے پڑ جائیں گے تو یقیناً ایمان کی چنگاری پھر سلگ اٹھے گی سونے والے پھر بیدار ہو جائیں گے بلکہ مردے بھی زندہ ہو جائیں گے اور پھر ترو تازگی اور نشو و نما کے آثار ظاہر ہونے لگ جائیں گے۔آپ تین سو سے زیادہ آدمی وہاں ہیں۔اگر ان میں سے سو آدمی کا خط پڑھے جانے کے قابل ہو اور ہر چٹھی تین تین سو کی تعداد میں باہر بھیجی جائے تو ہر لکھے پڑھے آدمی کو پندرہ دن میں صرف تین چٹھیوں کو نقل کرنا پڑتا ہے اور