سیرۃ خاتم النبیین صلی اللہ علیہ وسلم — Page 73
۷۳ مکہ کعبہ اور قریش ابوالانبیاء خلیل اللہ حضرت ابراہیم کا نام نامی کسی معرفی کا محتاج نہیں۔کون ہے جو ابوالانبیاء خلیل اللہ کو نہیں جانتا۔مسلمان، عیسائی، یہودی کبھی ان کو مانتے ہیں۔آپ کا زمانہ موٹے طور پر اکیس بائیس سو سال قبل مسیح قرار دیا گیا ہے۔یعنی آپ آنحضرت صلی اللہ علیہ وسلم سے قریباً ستائیس اٹھائیس سو سال پہلے گزرے ہیں۔آپ نوح علیہ السلام کی اولاد میں سے تھے اور عراق کے رہنے والے تھے مگر بعد میں مصر وغیرہ میں سے ہوتے ہوئے بالآ خرجنوبی فلسطین میں آباد ہو گئے۔آپ نے تین شادیاں کیں۔پہلی بیوی کا نام سارہ تھا۔دوسری کا نام ہاجرہ تھا۔اور تیسری کا نام قطورا۔ان میں سے مؤخر الذکر کے ذاتی حالات زیادہ معلوم نہیں ہیں اور نہ ہی ہمیں اس جگہ ان سے تعلق ہے مگر اس قدر ذکر غیر مناسب نہ ہو گا کہ وہ قوم مدین کی نسل سے تھی۔حضرت ابراہیم کی پہلی دو بیویوں میں سے سارہ حضرت ابراہیم کے قریبی عزیزوں میں سے تھیں مگر ہاجرہ ایک غیر خاندان سے تھیں اور مصر کی رہنے والی تھیں۔ان دونوں کے بطن سے اولاد ہوئی اور اس قدر پھیلی کہ آج دُنیا کے ہر گوشہ میں پائی جاتی ہے۔حضرت ہاجرہ کے بطن سے اسمعیل پیدا ہوئے جو حضرت ابراہیم کے بڑے لڑکے تھے۔اور حضرت سارہ سے اسحاق پیدا ہوئے۔یہ دونوں بچے خُدا کی خاص بشارات کے ماتحت پیدا ہوئے تھے اور دونوں کے ساتھ خدا تعالیٰ کی طرف سے خاص برکت کے وعدے تھے۔یا اور اُن کے نام بھی خدائی الہام کے ماتحت رکھے گئے تھے۔اور اسمعیل کے متعلق تو حضرت ابراہیم اور حضرت ہاجرہ کی خاص دُعا بھی تھی۔کے جیسا کہ اُن کا نام بھی جو دراصل سمع ایل ہے۔یہ ظاہر کرتا ہے؛ چنانچہ ان دونوں بچوں کو خدا تعالیٰ نے : پیدائش باب ۱۶ آیت اور باب ۱۷ آیت ۲۰ و باب مذکور آیت ۱۹،۱۶ : پیدائش باب ۱۶ آیت ا او باب ۱۷ آیت ۱۹ ۳ : قرآن شریف سورۃ صافات آیت ۰۲ او پیدائش باب ۱۱۲ آیت ۱۱ ے : یعنی خدا نے دُعاسُن لی