جماعت احمدیہ میں قیام خلافت کے بارہ میں الہامات، کشوف و رؤیا اور الٰہی اشارے

جماعت احمدیہ میں قیام خلافت کے بارہ میں الہامات، کشوف و رؤیا اور الٰہی اشارے — Page 67

خلافت ثانيه : مبشر رویا، خواہیں اور الہی اشارے گزشتہ انبیاء، آنحضرت صلی اللہ علیہ وسلم اور بزرگان سلف کی پیشگوئیاں اور الہی نوشتے 67 بنی نوع انسان کی فلاح و بہبود میں حضرت مرزا بشیر الدین محمود احمد صاحب نے جو کردار ادا کرنا تھا اس کی اہمیت کا اندازہ کچھ اس امر سے بھی لگایا جاسکتا ہے کہ خدا سے علم پا کر دنیا کو آپ کی ولادت کی خبر دینے میں حضرت مرزا صاحب منفر د نہیں بلکہ اس پیدائش کے تذکرے آپ سے قبل بھی دور دور تک تاریخ کے مختلف اوراق میں پھیلے پڑے ہیں۔سب سے زیادہ قابل فخر اور سب سے اعلیٰ واولی ان پیشگوئیوں میں وہ پیشگوئی ہے جو ہمارے آقا ومولیٰ نبیوں کے سردار حضرت محمد مصطفے صلی اللہ علیہ وسلم نے اس بارہ میں فرمائی۔چنانچہ حضرت عبداللہ بن عمرؓ آ نحضرت صلی اللہ علیہ وسلم سے روایت کرتے ہیں۔يَنْزِلُ عِيسَى ابْنُ مَرْيَمَ إِلَى الْأَرْضِ يَتَزَوَّجُ وَيُولَدُلَهُ۔( مشکوۃ مجتبائی صفحہ 480 باب بزول عیسی ) " حضرت عیسی علیہ السلام دنیا میں تشریف لائیں گے اور شادی کریں گے اور ان کو اولاد دی جائے گی۔" اس حدیث کی تشریح فرماتے ہوئے حضرت مسیح موعود علیہ السلام فرماتے ہیں۔قَدْ أَخْبَرَ رَسُولُ اللهِ صَلَّى اللَّهُ عَلَيْهِ وَسَلَّمَ أَنَّ الْمَسِيحَ الْمَوْعُودَ يَتَزَوَّجُ وَيُولَدُلَهُ فَفِي هَذَا إِشَارَةٌ إِلَى أَنَّ اللَّهَ يُعْطِيهِ وَلَدًا صَالِحًا تُشَابِهُ آبَاهُ وَلَا يَابَاهُ وَيَكُونُ مِنْ عِبَادِ اللَّهِ الْمُكْرَمِين۔" آئینہ کمالات اسلام از روحانی خزائن جلد 5 صفحہ 578)