مسیح ہندوستان میں

مسیح ہندوستان میں — Page 98

روحانی خزائن جلد ۱۵ ۹۸ مسیح ہندوستان میں ۹۶ کہ افغان اس بات کو تسلیم کرتے ہیں کہ بخت نصر نے ہیکل سیروشلم کی تباہی کے بعد بامیان کے علاقہ میں انہیں جلا وطن کر کے بھیج دیا۔ ( بامیان کا علاقہ غور کے متصل اور افعانستان میں واقع ہے ) اور کتاب اے نیرے ٹو آف اے وزٹ ٹو غزنی کابل افغانستان ۔ مصنفہ جی ٹی ویگن ایف جی ایس مطبوعہ ۱۸۴۰ء کے صفحہ ۱۶۶ میں لکھا ہے کہ کتاب مجمع الانساب سے ملا خدا داد نے پڑھ کر سنایا کہ یعقوب کا بڑا بیٹا یہودا تھا اس کا بیٹا اسرک تھا۔ اُسرک کا بیٹا اکنور ۔ اکنور کا بیٹا معالب۔ معالب کا فرلائی۔ فرلائی کا بیٹا قیس تھا۔ قیس کا بیٹا طالوت ۔ طالوت کا ارمیاہ ۔ اور ارمیاہ کا بیٹا افغان تھا اس کی اولا د قوم افغان ہے اور اسی کے نام پر افغان کا نام مشہور ہوا۔ افغان بخت نصر کا ہم عصر تھا اور بنی اسرائیل کہلاتا تھا اور اُس کے چالیس بیٹے تھے ۔ اس کی چونتیسویں پشت میں دو ہزار برس بعد وہ قیس ہوا جو محمد ( رسول اللہ صلی اللہ علیہ وسلم کے زمانہ میں تھا۔ اس سے چونسٹ نسلیں ہو لیں۔ مسلم نامی افغان کا سب سے بڑا بیٹا اپنے وطن شام سے ہجرت کر کے غور مشکوہ کے علاقہ میں جو ہرات کے قریب ہے آباد ہوا۔ اس کی اولا دافغانستان میں پھیل گئی ۔ اور کتاب اے سائیکلو پیڈیا آف جیوگرافی مرتبہ جیمز بر ائیں ایف جی ایس مطبوعہ لندن ۱۸۵۶ء کے صفحہا میں لکھا ہے کہ افغان لوگ اپنا سلسلہ نسب سال با دشاہ اسرائیل سے ملاتے ہیں اور اپنا نام بنی اسرائیل رکھتے ہیں۔ الگزنڈر برنس کا قول ہے کہ افغان یہ روایت بیان کرتے ہیں کہ وہ یہودی الاصل ہیں۔ شاہ بابل نے انہیں قید کر کے غور کے علاقہ میں لا بسایا جو کابل سے شمال مغرب میں واقع ہے۔ یہ لوگ ۱۲۲ ء تک اپنے یہودی مذہب پر رہے۔ لیکن خالد بن عبد اللہ ( غلطی سے ولید کی جگہ عبد اللہ لکھا ہوا ہے ) نے اس قوم کے ایک سردار کی لڑکی سے بیاہ کر لیا اور اُن کو اس سال میں دین اسلام قبول کرایا ۔ حمد سہو کتابت معلوم ہوتا ہے” چھیاسٹھ ہونا چاہیے۔ (ناشر) 1۔ A Narrative of a visit to Ghazni, Kabul and Afganistan by G۔T۔Vigne F۔G۔S۔ 2۔ A Cyclopaedia of Geography by James Bryce 3۔ Alexander Burns