ازالہ اَوہام حصہ دوم — Page 404
روحانی خزائن جلد ۳ وقت و تاریخ نزول مسیح موعود حسب اقوال اکا بر سلف وخلف و دیگر حالات منقوله از كتاب أثار القيامة ازالہ اوہام حصہ دوم مولوی سید صدیق حسن خاں صاحب مرحوم نے جن کو مولوی ابوسعید محمد حسین صاحب مجد د قرار دے چکے ہیں۔ اپنی کتاب آثار القیامۃ کے صفحہ ۳۹۵ میں بتفریح لکھا ہے کہ ظہور مہدی اور نزول عیسی اور خروج دجال ایک ہی صدی میں ہوگا ۔ پھر لکھا ہے کہ امام جعفر صادق کی یہ پیشگوئی تھی کہ سن دو تو ہجری میں مہدی ظہور فرمائے گالیکن وہ برس تو گذر گئے اور مہدی ظاہر نہ ہوا۔ اگر اس پیشگوئی کی کسی کشف یا الہام پر بنا تھی تو تاویل کی جائے گی یا اس کشف کو غلط ماننا پڑے گا۔ پھر بیان کیا ہے کہ اہل سنت کا یہی مذہب ہے کہ الايَاتُ بَعْدَ الماتین یعنی بارہ سو برس کے گذرنے کے بعد یہ علامات شروع ہو جائیں گی اور مہدی اور صحیح اور دجال کے نکلنے کا وقت آ جائے گا۔ پھر نعیم بن حماد کے حوالہ سے لکھتے ہیں کہ ابو قبیل کا قول ہے کہ سن بارہ سو چار ہجری میں مہدی کا ظہور ہوگا لیکن یہ قول بھی صحیح نہ نکلا۔ پھر بعد اس کے شاہ ولی اللہ صاحب محدث دہلوی کا ایک کشف لکھتے ہیں کہ ان کو تاریخ ظہور مہدی کشفی طور پر چراغ دین کے لفظ میں بحساب جمل منجانب اللہ معلوم ہوئے تھے یعنی ۱۲۶۸ ۔ پھر لکھتے ہیں کہ یہ سال بھی گزر گئے اور مہدی کا دنیا میں کوئی نشان نہ پایا گیا ۔ اس سے معلوم ہوا کہ شاہ ولی اللہ کا یہ کشف یا الہام صحیح نہیں تھا۔ میں کہتا ہوں کہ صرف مقررہ سالوں کا گزر جانا اس کشف کی غلطی پر دلالت نہیں کرتا ہاں غلط نہی پر دلالت کرتا ہے ۔ ا ۵۶۴