قربانی کا سفر — Page 75
ایک غریب عورت نے یہ لکھا کہ جب میں نے دیکھا اپنی بہنوں کو قربانی کرتے ہوئے ہر طرف تو اس قدر مجھے شدید تکلیف تھی کہ میں کیا کروں میرے پاس کچھ بھی نہیں ہے۔کہتی ہیں اچانک مجھے خیال آیا کہ یہ جو گائے میں نے لے لی ہے بچوں کو دودھ پلانے کے لئے یہ تو ہے تمہارے پاس اگر تمہیں اس گائے سے محبت ہے اور دل میں خواہش قربانی کی زیادہ ہے تو پھر اس گائے کو پیش کر دو چنانچہ آج کے بعد سے یہ گائے میری نہیں ہے جب تک آپ اس کو سنبھال کر یا بیچ کر انتظام نہیں کر لیتے اس وقت تک کا دودھ میں اس سے لوں گی اس کے پیسے ادا کروں گی۔عجیب دیوانے لوگ ہیں دنیا تو تصور بھی نہیں کر سکتی کہ احمدی کیا اس کی حقیقت کیا ہے؟ وہ تو آپ کے ظاہر کو بھی نہیں پہچانتی آپ کے باطن میں کیسے اس کی نگاہیں اتر سکتی ہیں۔ایک بچی کا بہت پیارا خط آیا۔کہتی ہے (Cassette ) کیسٹ چل رہی تھی عورتوں کی قربانیوں کے جو آپ واقعات بیان کر رہے تھے ،چھوٹی بچی ہے وہ کہتی ہے کہ میرے دل میں عجیب تڑپ اُٹھی اور میں نے اپنی ماں کو کہا کہ امی آپ کے دل پر کوئی اثر نہیں ہوتا۔کہتی، یہ کہتے کہتے جو میری نظر اُٹھی تو دیکھا کہ ماں اپنی بالیاں اتار رہی ہے اور روتی چلی جارہی ہے۔اس وقت مجھے خیال آیا کہ میں نے اپنی ماں پر بدظنی کی تھی وہی بالیاں اس کے پاس تھیں اور ادھر بیٹی کے دل میں یہ تڑپ پیدا ہوئی ادھر ماں کے ہاتھ پہلے ہی اس طرف اٹھ چکے تھے۔یہ قوم ہے جس کو یہ ظالم مٹائیں گے خدا کی قسم آپ نہیں مٹ سکتے ، آپ ہمیشہ زندہ رہنے کے لئے پیدا کئے گئے ہیں یہ محمد مصطفے ﷺ کی روحیں ہیں جو آپ کے اندر زندہ ہو رہی ہیں، یہ محمد مصطفے ﷺ کی صفات ہیں جو آپ کو نئی زندگی عطا کر رہیں ہیں ان کو خدا مٹنے دے گا؟ یہ تو ہو ہی نہیں سکتا یہ ناممکن ہے ساری کائنات مٹ الله 75