Name: تفسیر کبیر (جلد ۱۵)
Author: Hazrat Mirza Bashir-ud-Din Mahmud Ahmad

تفسیر کبیر (جلد ۱۵) — Page 199

یہ سیر اِلَی اللہ اس نقشہ سے ظاہر ہو سکتی ہے۔اللہ سدرۃ المنتہیٰ محمد رسول اللہ صلی اللہ علیہ وسلم ساتواں آسمان حضرت ابراہیم علیہ السلام چھٹا آسمان حضرت موسیٰ علیہ السلام پانچواں آسمان حضرت ہارون علیہ السلام چوتھا آسمان حضرت ادریس علیہ السلام تیسرا آسمان حضرت یوسف علیہ السلام دوسرا آسمان حضرت عیسیٰ علیہ السلام حضرت یحییٰ علیہ السلام پہلا آسمان حضرت آدم علیہ السلام اہل زمین اب اس نقشہ کو دیکھو تو مخلوق کے مقام پر جو شخص کھڑا ہو کر دیکھے گا اس کی نظر سب سے پہلے حضرت آدم علیہ السلام پر پڑے گی اور سب سے آخر اس کی نظر محمد رسول اللہ صلی اللہ علیہ وسلم پر پڑےگی۔گویا سب نبیوں میں سے آخری نبی وہ رسول کریم صلی اللہ علیہ وسلم کو قرار دے گا۔اس طرح آپ کی یہ حدیث بھی درست ثابت ہو جاتی ہے کہ اَنَا اٰخِرُ الْاَنْبِیَآءِ اور آپ دوسرے انبیاء سے بھی افضل ثابت ہو جاتے ہیں۔آپ حضرت آدم علیہ السلام سے افضل ہیں کیونکہ آپ ان سے بھی اوپر نکل گئے۔آپ حضرت عیسیٰ علیہ السلام سے بھی افضل ہیں کیونکہ آپ ان سے بھی اوپر نکل گئے۔آپ حضرت یوسف علیہ السلام سے بھی افضل ہیں کیونکہ آپ ان سے بھی اوپر نکل گئے۔آپ حضرت ادریس علیہ السلام سے بھی افضل ہیں کیونکہ آپ ان سے بھی اوپر نکل گئے۔آپ حضرت ہارون علیہ السلام سے بھی افضل ہیں کیونکہ آپ ان سے بھی اوپر نکل گئے۔آپ حضرت موسیٰ علیہ السلام سے بھی افضل ہیں کیونکہ آپ ان سے بھی اوپر نکل گئے۔آپ حضرت ابراہیم علیہ السلام سے بھی افضل ہیں کیونکہ آپ ان سے بھی اوپر نکل گئے۔لیکن اگر اوپر کے نقشہ کو اللہ تعالیٰ کے مقام سے دیکھاجائے تو پھر سب سے اوّل رسول کریم صلی اللہ علیہ وسلم کا مقام نظر آئے گا۔آپ کے بعد حضرت ابراہیم علیہ السلام کا۔پھر حضرت موسیٰ علیہ السلام کا۔پھر حضرت ہارون علیہ السلام