حقائق الفرقان۔۲۰۲۴ء ایڈیشن (جلد ۱) — Page 25
حقائق الفرقان ۲۵ سُوْرَةُ الْفَاتِحَة کے واسطے کسی اور شے کو ذریعہ نہیں بناتا ، نہ کسی بت کو ، نہ مخلوق کو ، نہ عقل کو ، نہ علم کو اور اپنی ہر ایک احتیاج کے واسطے وہ خدا ہی کی طرف رجوع کرتا ہے۔(البدر جلد نمبر ۱۲ مورخه ۱۶ جنوری ۱۹۰۳ء صفحه ۹۵) نماز میں ہر روز محبوب حقیقی جامع جمیع کمالات، رحمن رحیم ، حضرت رب العلمین ، مالك یوم الدین کی تعریف کر کے آپ پڑھا کرتے ہو۔اِيَّاكَ نَعْبُدُ وَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَ - إِيَّاكَ نَعْبُدُ کے معنی ہیں۔تیری ہی عبادت کرتے ہیں اور کریں گے۔یہ دعوی سب مسلمان رات دن کئی بار خداوند عالم سے کرتے ہیں۔پیارے دیکھ ! اس دعوے میں ہم کس قدر سچے ہیں؟ رات کو سور ہے چار پہر تین پہر سوتے رہے۔صبح کو اٹھے پاخانے گئے۔وہاں سے آئے باتیں کیں۔پھر کھانے کی فکر میں لگے۔روٹی کھائی۔پھر کچہری میں دنیا کمانے کو گئے۔پھر جو جو کام وہاں ہم کرتے ہیں اس کو ہم ہی خوب جانتے ہیں۔پھر آئے۔ہوا خواری۔کوچہ گردی۔سیر بازار۔گھر آئے بال بچہ میں لگ گئے۔لیاقت و استعداد پر الف لیلہ۔فسانہ آزاد۔کفارسیان وغیرہ وغیرہ وغیرہ پڑھنے بیٹھ گئے۔بتاؤ یہی اِيَّاكَ نَعْبُدُ کا مطلب ہے پھر اگر کوئی بہت بڑا نیک ہو ا تو پنجگانہ نماز بھی دربان میں پڑھ لی۔پھر اس میں ریاء، سمعة، سستی کاہلی، تاخیر وقت ، نقصان سجود، رکوع، قومه، جلسه و قرآت ވ ވ ہوتا ہے۔جو منصف ہے اسے خوب جانتا ہے۔بھلا پیارے ! یہی معنے ايَّاكَ نَعْبُدُ کے ہوں گے؟ نہیں نہیں !! بلکہ اس کا مطلب یہ ہے کہ ہم کو ہر ایک کام میں اور بات میں رضامندی جناب باری تعالیٰ کی مد نظر رکھنی چاہیے۔نوکری کریں مگر اس نیت پر کہ روپیہ حاصل کر کے صلہ رحمی کریں گے ماں کو ، بہن کو ، بھائی، بھانجا، بھتیجا وغیرہ کو دیں گے صلہ رحمی سے رب تعالیٰ راضی ہو گا جہاں تک ہو سکا لوگوں کی بہتری میں کوشش کریں گے۔سوتے ہیں مگر اس نیت سے کہ خواب سے طاقت کمانے کی حاصل ہوگی۔بدن کو صحت میں عبادت پر لگائیں گے۔وہ روزی جس سے صلہ رحمی ہو اور آپ سوال، چوری، فریب ، دغا، قمار وغیرہ وغیرہ سے آدمی بچے کمانے کی