مکمل تبلیغی پاکٹ بک — Page 175
175 بابی یا بہائی مذہب یہ فتنہ اگر چہ پرانا ہے مگر چونکہ کبھی مقابل پر نہیں آیا اس لئے دبا رہا اور اس کی تردید و تنقید کی بھی چنداں ضرورت پیش نہ آئی مگر چند سالوں سے دو تین شخصوں کے بابی ہو جانے کے باعث اس کا چرچا ہوا ہے اور چونکہ بابیوں کا وطیرہ ہے کہ ظاہر کچھ اور باطن کچھ۔بظاہر بھیٹر اور صلح کل بنتے ہیں لیکن باطن میں بھیڑیئے اور نسل انسانی اور حق کے دشمن قاتل ہیں اور بالخصوص اسلام اور بانی اسلام کے دشمن ہیں اور بظاہر اپنے تئیں مسلمان بتاتے ہیں اس لئے ان کے کذب اور ملمع سازی کی پردہ دری کرنے کے لئے ان کی کتب سے ان کے مذہب کی حقیقت بیان کی گئی ہے تا کہ لوگ ان کے دھوکہ میں نہ آدیں۔ان میں ایک بڑا مرض یہ بھی ہے کہ اپنی کتب کی اشاعت عام نہیں کرتے جس طرح قرآن کریم بوجہ ایک کامل اور سچی شریعت ہونے کے دنیا کے ہر گوشہ میں اور صد ہا زبانوں میں اشاعت پا رہا ہے اور کوئی مسلمان بھی قرآن کریم کو پیش کرنے سے نہیں ہچکچاتا۔اس طرح بابی اپنی کتابوں کو شائع نہیں کرتے بلکہ ڈرتے ہیں۔تا ہم بڑی دقت اور مشکل سے جناب مولوی فضل دین صاحب وکیل نے ان کی کتب کو دستیاب کر کے یہ ذخیرہ بہم پہنچایا ہے۔بہاء اللہ کا دعوی خدائی بابی یا بہائی عوام کو دھوکہ دیتے ہیں کہ وہ مسلمان ہیں حالانکہ بہاء اللہ کی اصل کتابوں کی رو سے وہ اسلام سے کوسوں دور ہیں۔اس کے ثبوت میں ہم اولاً بہاء اللہ کا دعوی خدائی کے ۲۰ حوالجات پیش کرتے ہیں۔دعوی خدائی اور اسلام ایک جگہ ہرگز جمع نہیں ہو سکتے۔ا۔کتاب الاقدس مطبوعہ مطبع ناصری بمبئی ۱۳۱۴ھ کے صفحہ ۱۶۲ اپر جناب بہاء اللہ اپنے ایک مرید کو خطاب کر کے لکھتے ہیں : - يَا أَكْبَرُ يَذْكُرُكَ مَالِكُ الْقَدْرِ فِي حِيْنِ أَحَاطَتْهُ الْأَحْزَانُ مِنَ الَّذِينَ كَفَرُوا بِالرَّحْمنِ کہ اے اکبر! تجھ کو قضا و قدر کا مالک ایسے وقت میں یاد کرتا ہے جبکہ اس کو غموں نے گھیرا ہوا ہے۔