اوڑھنی والیوں کے لئے پُھول — Page 100
100 ساتواں محکمہ۔علاج انسانی اور حیوانی۔ڈاکٹر اور ویٹرنری ڈاکٹر۔پھر اسی میں ایک محکمہ حفظانِ صحت کا ہوتا ہے۔پھر اسی میں طبی تعلیم کے ذرائع اور اسباب پر بحث ہے۔آٹھواں محکمہ خزانہ کا ہے۔نواں محکمہ انتظامی ہے۔جیسے ڈپٹی کمشنر تحصیلدار وغیرہ۔دسواں محکمہ فصل قضاء یا عدالت کا ہے۔حج اور قاضی کس طرح مقرر ہوں۔گیارھواں محکمہ مال کا ہے۔اس میں زمینداروں کے تمام معاملات سے بحث ہوتی ہے۔بارھواں محکمہ ڈاک کا ہے۔تیرھواں محکمہ انہار کا ہے۔چودھواں محکمہ ریلوے کا ہے۔چندرھواں محکمہ آبکاری کا ہے۔اس میں شراب اور دیگر منشیات کی نگرانی کرتا ہے۔ناجائز طور پر کشید اور فروخت نہ ہو۔سولہواں محکمہ تعمیرات کا ہے۔سترھواں محکمہ ٹکسال اور سکہ کا ہے۔اس میں سکہ جات بنانے کا علم ہوتا ہے۔روپیہ کس قدر بنوانا چاہیے، پیسہ کس قدر چاہئے، دوسرے سکتے جو ضروری ہیں۔پھر یہ بھی اس میں بتایا جائے گا کہ جعلی سگوں کی شناخت کا کیا علم ہے۔اٹھارھواں محکمہ رجسٹری کا ہے۔بعض معاملات میں فساد ہو جاتے ہیں اس لئے معاملات خرید وفروخت اور دستاویزات ضروریہ کی رجسٹری کا قانون جاری کر دیا جاتا ہے تا کہ سرکاری تصدیق ہو جائے۔انیسواں محکمہ تجارت کا ہے۔اس محکمہ کے ذریعہ سرکار دیکھتی ہے کہ ملک کی تجارتی ترقی کس طرح ہو سکتی ہے۔اس ملک کی کونسی تجارتیں ہیں جو دوسرے ممالک میں پھیل سکتی ہیں۔بیسواں محکمہ فوج کا محکمہ ہے۔یہ بڑا وسیع علم ہے۔اس میں دیکھا جاتا ہے کہ کس قسم کے ہتھیاروں کی ضرورت ہے۔کتنی فوج ہو کس قسم کی ہو۔وغیرہ وغیرہ۔اکیسواں محکمہ تعلقات بیرونی کا محکمہ ہے جس کو صیغہ خارجہ کہتے ہیں۔اسکا کام یہ ہوتا ہے کہ وہ دیکھے