اَلْاَزْھَارُ لِذَوَاتِ الْخِمَارِ یعنی اوڑھنی والیوں کیلئے پھول (جلد سوم حصہ اوّل) — Page 69
الازهار لذوات الخمار جلد سوم حصہ اوّل 69 سالانہ اجتماع ہو کے 2003 لجنہ اماءاللہ سے خطاب کرنے والیاں بنو۔اس میں ایک تو پانچ وقت کی نمازوں کی طرف توجہ دلائی ہے کہ خود بھی نمازوں کو سنوار کر جو نما ز پڑھنے کا حق ہے، اس حق کے ساتھ پڑھو، ٹھہر ٹھہر کر ، غور سے ہر لفظ جو تم پڑھتی ہو اس کو سمجھو، ذہن میں ہو کہ ہم اللہ کے حضور حاضر ہیں اور اس سے کچھ مانگنے آئے ہیں۔وہی ہے جو ہمارا پیدا کرنے والا ہے۔وہی ہے جو ہماری مشکلیں آسان کرنے والا ہے۔وہی ہے جس نے ہمیں اس دنیا میں بھیجا ہے کہ ہم اس کی عبادت کریں۔اور یہ باتیں اپنی اولادوں کے ذہنوں میں بھی ڈالیں۔پھر ہر وقت یہ بھی ذہن میں رہے کہ یہ مختلف وقتوں میں ہم نے جو نمازیں پڑھی ہیں ان کا اثر اب ہمارے ذہنوں پر ہر وقت قائم رہنا چاہئے۔ہر کام کرتے وقت اللہ کے نام سے شروع کیا جائے۔اللہ کے ذکر سے زبانیں تر رکھی جائیں۔درود شریف پڑھا جائے کیونکہ خدا تک پہنچنے کا راستہ اب رسول اللہ کے ذریعہ سے ہی ہے۔بچوں کو اس ماحول میں رکھیں۔حضرت خلیفہ اسیح الثالث رحمہ اللہ تعالیٰ نے ایک دفعہ عورتوں کو نصیحت کرتے ہوئے فرمایا تھا کہ سکول بھجوانے کے لئے اور ویسے بھی جب مائیں اپنے بچوں کو تیار کر رہی ہوتی ہیں اس وقت بھی ساتھ ساتھ بچوں کے لئے دعائیں کرتی جائیں۔تو اس سے ایک تو بچوں میں بھی دعائیں کرنے کی عادت پیدا ہو جائے گی دوسرے آپ ان دعاؤں کے ذریعے سے ان بچوں کو اللہ تعالیٰ کے فضلوں کا وارث بنا رہی ہوں گی اور یہ بچے جب بھی آپ سے جدا ہوں گے وقت گزاریں گے سکول کا یا جہاں بھی کھیلنے گئے ہیں تو ہمیشہ اللہ تعالیٰ کی حفاظت میں ہوں گے ، ان دعاؤں کے حصار میں ہوں گے جو آپ ان کے لئے ہر وقت کرتی رہتی ہیں۔پھر خاوندوں کو بھی توجہ دلائیں، نمازوں کے لئے انہیں اٹھا ئیں۔خاوند کا بیوی کو نماز کے لئے اٹھانا اور بیوی کا خاوند کو نماز کے لئے اٹھانا۔حدیثوں میں آیا ہے کہ اس کا دونوں کو ثواب ہوتا ہے۔ہمیشہ یادرکھیں کہ انسان کی پیدائش کا مقصد اللہ تعالیٰ کی عبادت ہے۔یہ دنیاوی چیزیں تو عارضی ہیں ختم ہو جائیں گی۔ساٹھ ستر ، اسی سال کی عمر میں اللہ کے حضور حاضر ہونا ہی ہے۔اللہ تعالیٰ ہم سب کو ان نیکیوں پر قائم کرے اور آپ سب اللہ تعالیٰ کی رضا حاصل کرنے والی ہوں اور جماعت کی تعلیم پر عمل کرنے والی ہوں۔جماعت کا وقار بلند کرنے والی ہوں اور اس اجتماع میں جو کچھ آپ نے حاصل کیا اس پر اللہ تعالیٰ ہمیشہ آپ کو عمل کرنے کی توفیق دے۔اب دعا کر لیں۔(الفضل ربوہ 8 مارچ 2004)