نماز مع ترجمہ اور ضروری مسائل — Page 9
14 13 نے کے بعد جب نماز پڑھنی ہو تو پہلے وضو کیا جائے اور پھر نماز پڑھی جائے۔اسی طرح قے آنے یا نکسیر پھوٹنے کے بعد بہتر ہے کہ نماز پڑھنے سے پہلے وضو کر لیا جائے۔اگر کسی کو ریح خارج ہوتے رہنے یا پیشاب قطرہ قطرہ گرتے رہنے بہ استحاضہ یعنی حیض اور نفاس کے مقررہ دنوں کے علاوہ بھی خون جاری رہنے کی بیماری ہو اور اس کی وجہ سے اس کا وضو نہ ٹھہرتا ہو تو وہ معذور ہے اس کے لئے ہر نماز کے وقت ایک بار وضوکر لینا کافی ہے۔وضو کرنے کا طریق : جب کوئی شخص وضو کرنے لگے تو بسم اللہ پڑھے۔پاک صاف پانی لے کر پہلے پہنچوں تک ہاتھ دھوئے پھر تین بار کلی کرے۔منہ کو اچھی طرح صاف کرنے کے لئے مسواک یا برش استعمال کرنا چاہئے اور اگر میسر نہ ہو تو انگلی سے دانت صاف کرے۔پانی چلو میں لے کر تین بار ناک میں ڈالے اور اسے اچھی طرح صاف کرے پھر تین بار سارا چہرہ دھوئے۔داڑھی گھنی ہوتو ہاتھ کی انگلیوں سے بالوں میں خلال کرنا بھی پسندیدہ ہے۔اس کے بعد کہنیوں سمیت تین بار ہاتھ دھوئے۔پہلے دایاں پھر بایاں۔پھر پورے سر کا اور کانوں کا مسح کرے۔یعنی پانی سے ہاتھ تر کر کے سارے سر پر پھیرے۔پھر انگشت شہادت کانوں کے اندر کی طرف اور انگوٹھے کانوں کے باہر کی طرف پھیرے۔پھر تین بار ٹخنوں سمیت پاؤں دھوئے۔پہلے دایاں پاؤں دھوئے اور پھر بایاں۔اس کے علاوہ ترتیب کو مدنظر رکھنا اور اعضاء کو لگا تار دھونا بھی ضروری ہے۔یہ نہ ہو کہ منہ دھولیا اور پھر اس کے خشک ہو جانے پر ہاتھ دھو لئے۔ایک وضو سے انسان کئی نمازیں پڑھ سکتا ہے کیونکہ جب تک وضو توڑنے والی کوئی بات ظاہر نہ ہو وضو قائم رہتا ہے۔جرابوں پر مسح کرنا : اگر وضو کر کے جرابیں پہنی گئی ہوں تو اس کے بعد وضو کرتے وقت ان کو اتارنا اور پاؤں دھونا ضروری نہیں بلکہ بصورت اقامت ایک دن رات اور بصورت سفر تین دن رات ان پر مسح ہو سکتا ہے۔یہ مدت جرا ہیں پہنے کے وقت سے نہیں بلکہ وضو ٹوٹنے کے وقت شروع ہوگی۔تیم تیم کی حکمت : تیم سے اگر چہ ظاہری صفائی کی غرض پوری نہیں ہوتی لیکن خیالات کو مجتمع کرنے ، توجہ کو ایک طرف لگانے اور ایک اہم اور بابرکت کام کرنے کے لئے مستعدی پیدا کرنے کا مقصد اس سے حاصل ہو جاتا ہے۔اس کے علاوہ تصویری زبان میں منکسرانہ دعا کا رنگ بھی اس میں پایا جاتا ہے۔گویا تیم کرنے والا کہتا ہے، اے ہمارے خدا! تیرے پانی کے بغیر ہم خاک آلود ہوئے جاتے ہیں۔تیری یہ نعمت اگر ہمیں میسر نہ آئی تو ہمارے جسم گرد و غبار سے آٹ جائیں گے اس لئے تو جلد پانی عطا فرما۔تیم کے اسباب : اگر پانی کا استعمال مشکل ہو مثلاً انسان بیمار ہو یا پانی ملتا نہ ہو یا پانی نجس ہو تو نماز پڑھنے کے لئے نہانے یا وضو کرنے کی بجائے انسان تیم کر لے۔تیم کرنے کا طریق: صاف و پاک مٹی یا کسی غبار والی چیز اور اگر ایسی کوئی چیز نہ ملے تو ویسے ہی کسی ٹھوس چیز پر نماز کی نیت سے اور بسم اللہ پڑھ کر دونوں ہاتھ