مسلمانوں کا نیوٹن ۔ ڈاکٹر عبدالسلام — Page 244
(۲۴۴) ڈاکٹر عبدالسلام دی پنجابی وچ سوادی تقریر کے جیہڑی اونہاں گرو نانک دیو، یو نیورسٹی وچ ۲۵ جنوری ۱۹۸۱انوں فرمائی جناب چانسلر صاحب ، وائس چانسلر صاحب ، حضرات۔۔۔میں تہاڈا بہت ای ممنون آن کہ تساں ایسے خوبصورت لفظاں وچ ( تاڑیاں) اپنی محبت اور شفقت واالیس طرحاں اظہار کیا اور مینوں اک ڈگری دیتی اے ایس واسطے میں تہاڈا بہت شکریہ ادا کرناں۔ایس اعزاز نال پاکستان وچ وی اک خوشی دی لہر آگئی اے ایس موقعے اتے انڈین گورنمنٹ دا ، انڈین فریکس ایسوسی ایشن دا۔ایس آئی آردا۔۔۔وی شکریہ ادا کرناں کہ اوہناں مینوں موقعہ دتا اے، تے مینوں سارے ہندوستان وچ مختلف جگہہ اتے ڈگریاں عطا کیتیاں گئیاں نیں۔۔۔ایس واسطے میں مشکور آں جیہڑی دوسری چیز داوی شکریہ ادا کرنا چاہندا واں اوہ ایہہ کہ تساں میری درخواست نوں قبول کر دیاں ہویاں میرے استاد لالہ ہنس راج بھاٹلا، جو بیٹھے نہیں آخر وچ سٹیج اتے ( تاڑیاں ) نوں بلا یا اے۔لالہ ہنس راج بھاٹلا نے جھنگ کالج وچ مینوں پہلے فزکس پڑہائی آہی اور فزکس بارے جو کچھ اوہناں وکلوں سکھیا اوہدے بعد فیر کچھ نہیں رہیا۔ایسے طرحاں آڈینس وچ لالہ ایش کمار جی میرے انگریزی دے استاد نہیں ، اوہوناں نوں میں مل نہیں سکیا ہن تیک ( تاڑیاں) میں ایہناں ساریاں نوں دعوت دین واسطے تہاڑا بہت مشکور آں۔ساڈے کلچر اور ساڈے مذہب وچ استاد دی عزت، والدین دی عزت توں بعد سب توں زیادہ کیتی جاندی اے، استاد سانوں محبت دیندے نہیں او سے طرح جس طرحاں باپ اور ماں دیندے نیں۔