حضرت حاجی میاں محمد موسیٰ ؓ — Page 33
سوانح میاں محمد موسیٰ صحابی حضرت مسیح موعود یاد نہیں۔تین نمازیں بھی حضور کے ہمراہ مولوی عبد الکریم کی اقتداء میں پڑھیں۔مجھ پر اس وقت آپ کی صداقت کا بہت اثر ہوا۔گو میں نے اپنے رشتہ داروں سے وعدہ کرنے کی وجہ سے بیعت نہ کی۔اس وقت مجھ پر حضور کی محبت کا جو اثر تھا اس کو دیکھ کر میرے نسبتی بھائی نے مجھ سے کہا کہ آپ تو اپنے وعدہ کے خلاف کر رہے ہیں اور آپ کی حرکات سے ظاہر ہوتا ہے کہ آپ ضرور پھنس جائیں گے۔اس عرصہ میں میری کچھ گفتگو حافظ مولوی محمد ابراہیم صاحب نا پینا کے ساتھ ہوئی جس کا مجھ پر خاص اثر ہوا۔پھر ہم واپس آگئے۔“ ” میں نے چھ سات ماہ بعد حضرت صاحب کی خدمت میں لکھا کہ عام لوگوں کے لئے آپ کی صداقت کا معلوم کرنا مشکل ہے۔آپ قسم کھا کر تحریر فرما دیں کہ آپ وہی مسیح موعود ہیں جن کی دنیا کو انتظار ہے۔اس پر حضور نے اس لفافہ کی پشت پر تحریر فرمایا کہ میں وہی مسیح موعود ہوں جن کا وعدہ آنحضرت صلے اللہ علیہ وسلم نے فرمایا تھا۔آپ نے قرآن مجید سے یہ آیت بھی تحریر کی 19۔لَّعْنَتَ اللَّهِ عَلَى الْكَذِبِيْنَ خاکسار مرزا غلام احمد بقلم خود۔“ دادا جان میاں محمد موسیٰ صاحب نے اسی سلسلہ میں بیان کیا: ”وہ خط لے کر اپنے گھر کے اندر گئے اور اپنے اہل و عیال کو صاف صاف کہہ دیا کہ میں اب بیعت کرنے لگا ہوں اگر کسی کو عذر ہو تو وہ اس وقت بیان کر دے یا علیحدہ ہو جائے۔چنانچہ میری بیوی اور بچوں سب نے اس وقت بیعت کر لی اور میں نے سب کی طرف سے حضرت مسیح موعود کو خط لکھ دیا۔میری والدہ زندہ موجود تھیں مگر وہ اس وقت لاہور میں نہ تھیں اس لئے انہوں نے بعد میں حضرت خلیفہ اول کے ہاتھ پر بیعت کی۔“ حضرت میاں محمد موسیٰ صاحب مزید تحریر فرماتے ہیں: 19 القرآن۔آلِ عمران : 62، ترجمہ: جھوٹوں پر اللہ کی لعنت۔33