لجنہ اماءاللہ عالمگیر کے لئے پیغامِ عمل — Page 230
دکھائے ہیں وہی عافیت کے حصار کی طرف لے جانے والے ہیں۔پس ہمیں کسی اعتراض کرنے والے سے متاثر ہونے کی ضرورت نہیں ہے۔وہ ہمارے ہمدرد بن کر ہمیں مذہب سے دور ہٹانے کی کوشش کرتے ہیں۔اس لئے بجائے ایسے لوگوں کی باتوں میں آنے کے ہر عورت کو ، ہر احمدی لڑکی کو اپنا دینی علم بڑھانے کی ضرورت ہے۔کسی احساس کمتری میں مبتلا ہونے کی ضرورت نہیں ہے۔امر واقعہ یہ ہے کہ پر دہ اور حجاب عورت کو اس کا حقیقی وقار، خود مختاری اور آزادی دلاتا ہے۔روحانی تحفظ اور دل کی پاکیزگی دینے کا بنیادی ذریعہ ہے۔پس ایسے معاشرے میں جہاں اللہ تعالیٰ کے کسی خاص حکم کو حقارت کی نظر سے دیکھا جاتا ہے آپ اپنی ثابت قدمی کی وجہ سے مزید اللہ تعالیٰ کے فضلوں اور انعامات کی وارث ٹھہریں گی۔ظاہری آزادی کے پیچھے بے چینیاں ہیں جنہیں دنیا داروں نے خول چڑھا کر چھپانے کی کوشش کی ہے۔اسلام نے دلوں کی بے چینیاں دور کرنے کا حل بھی بتایا ہے اور فرمایا ہے اس کے لئے خدا تعالیٰ کے بتائے ہوئے اس اصول پر عمل کرنے کی ضرورت ہے کہ الا بِذِكْرِ اللهِ تَطْمَبِنُ القُلُوبُ۔کہ سنو اللہ ہی کہ ذکر سے دل اطمنان پکڑتے ہیں۔کوئی جتنازیادہ خدا کی طرف جھکے گا اتنا ہی دل کو اطمنان نصیب ہو گا۔پھر یہ بھی یادرکھیں کہ ذکر الہی میں سب سے افضل نماز ہے۔بہت سے گھروں میں نمازوں کی تیقی رنگ میں پابندی نہیں کی جاتی۔وقت پر ادا نہیں کی جاتیں۔پھر انہیں سنوار کر 230