مضامین بشیر (جلد 4) — Page 5
مضامین بشیر جلد چهارم 5 موعود علیہ السلام بائی سلسلہ احمدیہ پر کئے جاتے ہیں۔یہ کتاب انشاء اللہ نہ صرف سلسلہ احمدیہ کے متعلق لوگوں کی غلط فہمیاں دور کرنے اور صحیح نظریات کو واضح کرنے کے لئے بلکہ خود احمدیوں کے دلوں میں رسول پاک کے عشق کی چنگاری کو زندہ رکھنے کے لئے نہایت مفید ہو گی۔اس کی بہت وسیع اشاعت ہونی چاہئے۔جماعتوں کے مصنفوں اور مبلغوں اور مربیوں کے لئے بھی اس مجموعہ کی اشاعت انشاء اللہ بہت قابلِ قدر امداد ہوگی۔جنہیں ایسے جملہ حوالے یکجائی طور پر مل جائیں گے۔“ روزنامه الفضل ربوہ 20 جنوری 1960ء) 4 احباب سے ایک ضروری اپیل رسالہ الفرقان بہت عمدہ اور قابل قدر رسالہ ہے اور اس قابل ہے کہ اس کی اشاعت زیادہ سے زیادہ وسیع ہو کیونکہ اس میں تحقیقی اور علمی مضامین چھپتے ہیں اور قرآن کے فضائل اور اسلام کے محاسن پر بہت عمدہ طریق پر بحث کی جاتی ہے۔ایک طرح سے یہ رسالہ اس غرض و غایت کو پورا کر رہا ہے جو حضرت مسیح موعود علیہ السلام کے مدنظر رسالہ ریویو آف ریلیجنز اردو ایڈیشن کے جاری کرنے میں تھی۔حضرت خلیفہ المسیح الثانی کی یہ خواہش بڑی گہری اور خدا کی پیدا کردہ آرزو پر بنی ہے کہ اگر ایسے رسالہ کی اشاعت ایک لاکھ بھی ہو تو پھر بھی دنیا کی موجودہ ضرورت کے لحاظ سے کم ہے۔پس مخیر اور مستطیع احمدی اصحاب کو یہ رسالہ نہ صرف زیادہ سے زیادہ تعداد میں خود خرید نا چاہئے بلکہ اپنی طرف سے نیک دل اور سچائی کی تڑپ رکھنے والے غیر احمدی اور غیر مسلم اصحاب کے نام بھی جاری کرانا چاہئے تا اس رسالہ کی غرض وغایت بصورت احسن پوری ہواور اسلام کا آفتاب عالمتاب اپنی پوری شان کے ساتھ ساری دنیا کو اپنے نور سے منور کرے۔یہ معلوم کر کے بہت افسوس ہوا کہ ابھی تک یہ رسالہ مالی لحاظ سے نقصان پر جا رہا ہے۔زندہ قوموں کے زندہ رسالے ہر جہت سے زندگی کے آثار سے معمور ہونے چاہئیں۔ایسے رسالہ کا مالی تھیٹروں کی وجہ سے بند ہونا بہت قابل شرم ہوگا۔روزنامه الفضل ربوہ 21 جنوری 1960ء)