مضامین بشیر (جلد 4) — Page 199
مضامین بشیر جلد چهارم 199 قریشی صاحب کے نام جو روح پرور پیغام رسال فرمایا وہ اپنی جگہ نہایت درجہ اہمیت کا حامل ہے اور اس لحاظ سے جملہ انصار کے لئے مشعل راہ کی حیثیت رکھتا ہے۔آپ کے ارسال فرمودہ پیغام کا متن ذیل میں شائع کیا جاتا ہے تا کہ جملہ مجالس آپ کی زرین ہدایات پر عمل پیرا ہوتے ہوئے اپنے فرائض کو کماحقہ ادا کرنے کی کوشش کریں اور اس طرح اللہ تعالیٰ کے حضور سرخر ٹھہر ہیں۔(ادارہ) خیر پورڈویژن کے انصار اللہ کے لئے میرا پیغام یہی ہے کہ آپ لوگ اُس علاقہ سے تعلق رکھتے ہیں جس میں عرب سے باہر بالفاظ دیگر ہندوستان کے ساحل میں سب سے پہلے اسلام کی روشنی پہنچی۔اور آپ کے علاقہ کے نام میں ہی خیر کا لفظ آتا ہے اور اسلام کا دوسرا نام بھی خیر ہے۔پس آپ لوگوں کو چاہئے کہ اپنے علاقے کے احمدیوں کو پوری طرح منظم کریں اور اپنے علاقے میں اس طرح تبلیغ و تربیت کا انتظام کریں کہ جلد سے جلد اصلاح اور رشد کے آثار ظاہر ہونے شروع ہو جائیں۔اسلام وہ پیارا مذ ہب ہے کہ اگر اسے صحیح صورت میں پیش کیا جائے اور پیش کرنے والے کا اپنا نمونہ بھی اچھا ہوتو وہ ایک عظیم الشان مقناطیس کی طرح لوگوں کو اپنی طرف کھینچنا شروع کر دیتا ہے۔پس میری نصیحت یہ ہے کہ آپ لوگ اپنے آپ کو علم و عمل کے لحاظ سے مقناطیس بنا ئیں اور ایسی مشک کا رنگ اختیار کریں جو خود بولے اور عطار کو بولنے کی چنداں ضرورت نہ رہے۔اس وقت دنیا میں اسلام کا صرف نام رہ گیا ہے۔اللہ تعالیٰ کی یہ تقدیر ہے کہ وہ احمدیت کے ذریعہ اس نام کو پھر حقیقت کی روح سے مشرف کر دے گا۔پس آپ خدا کا نام لے کر اس مقصد کے حصول کے لئے کوشش کریں اور دنیا میں صداقت کو پھیلائیں اور غلط فہمیوں کو دور کریں اور اپنے نمونہ سے ثابت کر دیں کہ آپ ایک خدائی جماعت ہیں جو اپنے اندر ایک آسمانی نور رکھتی ہے۔آپس میں پورا پورا اتحاد رکھیں اور ایک دوسرے کے ساتھ بھائیوں جیسا سلوک کریں اور دعاؤں پر زور دیں۔قرآن کی بتائی ہوئی نیکیوں کو اختیار کریں اور بدیوں سے دور رہیں۔اللہ تعالیٰ آپ کے ساتھ ہو اور آپ کے اجتماع کو مبارک کرے اور آپ کو دین و دنیا میں ترقی دے۔آمین محررہ 28 جنوری 1961ء) (ماہنامہ انصار اللہ ربوہ مارچ 1961ء)