حضرت مسیح موعود علیہ السلام کی پیشگوئیاں — Page 2
دیباچه اللہ تعالیٰ جب اپنے مامورین اور مرسلین کو دنیا میں مبعوث کرتا ہے تو کثرت کے ساتھ امور غیبیہ ان پر ظاہر کرتا ہے اور اپنے دست قدرت سے آسمانی نشانات اور معجزات کے ذریعہ ان کی تائید و نصرت فرماتا ہے۔اس آخری زمانے میں جب اللہ تعالیٰ نے حضرت مسیح موعود علیہ السلام کو مبعوث فرمایا تو اپنی اس قدیم سنت کے موافق کثرت کے ساتھ ارضی و سماوی معجزات و نشانات آپ کو عطا فرمائے۔چنانچہ آپ نے خدائے قادر سے خبر پا کر بہت ساری پیشگوئیاں فرمائیں جو خدا تعالیٰ کے فضل سے نہایت صفائی کے ساتھ پوری ہو گئیں۔كتاب ھذا میں حضرت مسیح موعود علیہ السلام کی ان ہزار ہا پیشگوئیوں میں سے نمونہ چند پیشگوئیاں بیان کی گئی ہیں تا کہ خدام واطفال ان پیشگوئیوں کو پڑھ کر اپنے ایمان کو تازہ کریں اور خدا تعالیٰ اور حضرت مسیح موعود علیہ السلام کی صداقت پر ان کا نور یقین مضبوط سے مضبوط تر ہو۔اللہ کرے ایسا ہی ہو۔آمین پیش لفظ مجلس خدام الاحمدیہ اللہ تعالیٰ کے فضل وکرم سے خدام واطفال کی تعلیم و تربیت کے لیے آسان اور عام فہم زبان میں کتابیں شائع کرنے کی توفیق پارہی ہے۔یہ کتاب ” حضرت مسیح موعود علیہ السلام کی پیشگوئیاں اسی سلسلہ کی ایک کڑی ہے۔1979ء میں سابق صدر مجلس یہ کتاب خدام الاحمدیہ مرکز یہ مکرم و محترم صاحبزادہ مرزا غلام احمد صاحب کے زمانہ صدارت میں پہلی مرتبہ شائع ہوئی۔شعبہ اشاعت مجلس خدام احمد یہ اسے ایک مرتبہ پھر بعض ناگزیر تبدیلیوں کے بعد شائع کرنے کی توفیق پارہا ہے۔کتاب ہذا کی دوسری اشاعت میں خاکسار کے ساتھ نے تعاون کیا ہے۔اللہ تعالیٰ ان کو جزائے خیر سے نوازے۔آمین www۔alislam۔org