مشعل راہ (جلد اوّل) — Page 578
578 سالانہ اجتماع کے دوران ہر وقت کام میں مشغولیت کی مشق ایک نقص میں نے گھر سے یہاں آتے ہوئے یہ دیکھا ہے کہ بعض حصے کام کے ایسے ہوتے ہیں جن میں خدام الاحمدیہ کی نگرانی نہیں کی جاتی کہ وہ تمام کے تمام اس کام میں مشغول ہیں یا نہیں۔مثلا فٹ بال کا میچ ہو رہا تھا تو ضروری نہیں سمجھا گیا کہ اس کی نگہداشت کی جائے کہ آیا سارے خدام میچ دیکھ رہے ہیں یا نہیں۔کچھ خدام میچ دیکھ رہے تھے اور کچھ کھڑے تھے۔اس طرح یہ غرض کہ خدام سالانہ اجتماع کے دو تین دن اس مشق میں گزاریں کہ وہ ہر وقت کام میں مشغول ہوں باطل ہو گئی کیونکہ ان دو تین دنوں میں بھی بعض حصے ایسے ہیں جن میں بعض خدام مشغول ہیں اور بعض خدام مشغول نہیں۔اس لئے میں مجلس انتظامیہ مرکزیہ کو ہدایت کرتا ہوں کہ وہ فو - 1 اس بارہ میں قانون بنا کر آئندہ اس کی تعمیل کرائے اور دیکھے کہ آیا وہ تمام کے تمام خدام کام میں لگے ہوئے ہیں یا نہیں۔مثلاً میچ دیکھنا بھی کام ہے اور یہ ضروری امر ہے کہ جب کھیلیں ہو رہی ہوں تو باقی خدام دیکھ رہے ہوں۔یہ نہ ہو کہ بعض خدام کھیلیں دیکھ رہے ہوں اور بعض ادھر ادھر پھر رہے ہوں۔اگر ایک وقت میں چار پانچ کھیلیں ہو رہی ہوں تو منتظم خدام سے پوچھ لیں کہ وہ کونسی کھیل دیکھنا چاہتے ہیں اور ہر ایک کو حکم دیں کہ وہ کوئی نہ کوئی کھیل دیکھے تا آوارگی کی عادت نہ ہو۔دنیا کے لوگ تو ساری عمر کام میں لگے رہتے ہیں۔ہمارے نوجوانوں کو بھی اس بات کی عادت ہونی چاہیے کہ وہ دو تین دن تک کام میں مشغول رہیں۔رستے میں مجھے سینکڑوں خادم ایسے ملے ہیں جو ادھر ادھر کھڑے تھے یا پھر رہے تھے۔اس طرح وہ غرض پوری نہیں ہوئی جس کے لئے یہ اجتماع مقرر کیا گیا ہے"۔