مشعل راہ ۔ جلد پنجم (حصہ دوم)

مشعل راہ ۔ جلد پنجم (حصہ دوم) — Page 120

مشعل راه جلد پنجم حصہ دوم 120 ارشادات حضرت خلیفة المسح الخامس ایدہ اللہ تعالی خطبه جمعه فرمودہ یکم اکتوبر 2004ء سے اقتباس پہلے اپنے گھروں میں عبادت کو رائج کریں * صرف یہی نہیں کہ خود ہی ( بیت الذکر ) میں آنا ہے بلکہ اپنی اولادوں کو بھی ( بیت الذکر ) میں لانا ہے اور ان کا بھی ( بیت الذکر ) سے تعلق پیدا کرنا ہے۔ان کو بھی ایک خدا کی عبادت کی طرف توجہ پیدا کروانی ہے۔ان کی بھی اس نہج پر تربیت کرنی ہے کہ ان کو بھی احساس ہو کہ ان کا اوڑھنا بچھونا نمازوں میں ہے، اللہ تعالیٰ کی رضا حاصل کرنے میں ہے۔اس معاشرے میں جہاں وہ رہ رہے ہیں اللہ تعالیٰ کے حکم کے مطابق ان کی تربیت کرنی ہوگی ، ان کو برے بھلے کی تمیز سکھانی ہوگی۔اگر اپنے گھر سے ہی نیکیوں کو پھیلانے اور نمازوں کو قائم کرنے کی کوشش کریں گے تو پھر تو کامیابی ہوگی۔اگر نہیں کریں گے تو اس کا باہر بھی کوئی اثر نہیں ہو گا۔کوئی دعوت الی اللہ بھی کارگر نہیں ہو گی۔اگر ہر عہد یدار خواہ وہ جماعتی عہدیدار ہو یا ذیلی تنظیموں انصار ، خدام یا لجنہ کے عہدیدار ہوں۔ان نیکیوں اور عبادتوں کو اپنے گھروں میں رائج نہیں کریں گے تو باہر بھی کوئی آپ کی بات نہیں سنے گا۔انقلاب لانے والے پہلے اپنے اندر تبدیلیاں پیدا کرتے ہیں۔وہی قوم ترقی کرتی ہے جن کے لیڈروں کے اپنے نمونے اعلیٰ ہوں ، جن کے عہد یدار خود مثالیں قائم کرنے والے بہنیں۔پس یہ بہت بڑی ذمہ داری ہے جماعت کے ہر فرد پر، ہر بچے پر ، ہر بڑے پر ، ہر عہدیدار پر کہ اللہ تعالیٰ کے انعام کی قدر کرتے ہوئے پاک نمونے دکھائیں۔عبادتوں کے معیار قائم رکھیں تاکہ سب سے بڑی نعمت جو خلافت کی نعمت ہے وہ آپ میں ہمیشہ قائم رہے۔الفضل اند نیشنل 15 تا 21 اکتوبر 2004ء )