مصالح العرب (جلد 2 ۔۱۹۵۵ء تا ۲۰۱۱ء تک) — Page 48
38 مصالح العرب۔۔۔۔۔۔جلد دوم لئے خاص طور پر تیار کیا گیا تھا ان کی خدمت میں پیش کیا گیا۔صندوقچے میں چاندی کی ایک تختی کی پر صدر موصوف کا نام کندہ تھا۔نیز اس پر ایک طرف ممبران وفد کے نام درج تھے۔علاوہ ازیں صدر موصوف کی خدمت میں اس موقعہ پر عربی زبان میں نہایت نفاست سے فریم کیا ہوا خوش آمدید کا ایک ایڈریس بھی پیش کیا گیا۔ایڈریس کا خلاصہ یہ تھا کہ: جماعت احمد یہ اگر چہ بلحاظ تعداد ایک چھوٹی سی جماعت ہے تا ہم اس نے دنیا میں احمدیہاً آنحضرت صلی اللہ علیہ وسلم کے لائے ہوئے دین کو سر بلند کرنے اور اس کی اشاعت کا فریضہ ادا کی کرنے کے سلسلہ میں ایک عظیم ذمہ داری اپنے کندھوں پر اٹھائی ہوئی ہے۔اس جماعت کے افراد اپنے موجودہ امام حضرت مرزا بشیر الدین محمود احمد کی زیر ہدایت روحانیت کی پیاسی دنیا کے دور دراز علاقوں تک دین حق کے نور کو پھیلانے میں مصروف ہیں، نہ افریقہ کے بیابان جنگل اور پتے ہوئے صحرا جہاں نئی تہذیب اور نئے تمدن کا ابھی سایہ بھی نہیں پڑا ان کی پہنچ سے باہر ہیں اور نہ مغرب کے وہ متمدن شہر جنہیں اپنی مادی اور سائنسی ترقی پر ناز ہے ان کے دائرہ عمل سے خارج ہیں۔مشرق و مغرب میں دین حق کو سر بلند کرنے کی ایک سعی پیہم ان کا طرہ امتیاز ہے۔اس وقت جماعت کے سینکڑوں اعلیٰ تعلیم یافتہ نوجوانوں نے جو پاکستانیوں، عربوں، جرمنوں، امریکیوں اور دوسری قوموں کے افراد پر مشتمل ہیں خدمت دین کے لئے اپنی زندگیاں وقف کر رکھی ہیں۔ایسے ایثار پیشہ نوجوانوں کی تعداد میں روز بروز اضافہ ہورہا ہے اور وہ دنیا کے دور دراز علاقوں میں خدمت دین کا فریضہ ادا کرنے میں ہمہ تن مصروف ہیں۔ان کا ایک ہی ہی مقصد ہے اور وہ یہ کہ اللہ تعالیٰ کا پیغام روئے زمین پر بسنے والی تمام قوموں تک پہنچ جائے اور وہ کچ سماجی انصاف اور اخوت و مساوات کی اسلامی تعلیم سے کما حقہ واقف ہو کر اس کو اپنانے پر آمادہ نی ہو جائیں۔اسی غرض کے پیش نظر جماعت احمدیہ نے دنیا کی تمام اہم زبانوں میں قرآن مجید کا ترجمہ کرنے کا بیڑا اٹھایا ہے۔علاوہ ازیں دنیا کے مختلف علاقوں میں مساجد تعمیر ہو رہی ہیں۔آپ دوستی اور اخوت کے ان رشتوں کو اور زیادہ مستحکم کرنے کی غرض سے تشریف لائے ہیں جو اسلام کی بعثت کے وقت سے ہمارے اور آپ لوگوں کے درمیان قائم چلے آرہے ہیں۔ہم سب ایک ہی جسم یعنی ملت کے مختلف اعضاء ہیں۔ہم سب کا دین ایک، کتاب ایک قبلہ ایک ہے اور ہم سب اللہ تعالیٰ کے