مصالح العرب (جلد 1 ۔ابتداء سے ۱۹۵۴ء تک) — Page 122
مصالح العرب۔۔۔۔۔جلد اول 116 تک ان کو تبلیغ کرتے رہے۔آخر وہ کہنے لگے: آپ نے مجھے تو تبلیغ کر لی ہے اور آپ کی باتیں بھی معقول ہیں۔لیکن میرے سوا کسی اور کو تبلیغ نہ کریں ورنہ آپ کی جان کی خیر نہیں۔اور خطرہ ہے کہ کوئی شخص آپ پر حملہ نہ کر بیٹھے۔یا حکومت ہی آپ کو قید نہ کر دے۔پھر اس نے آپ کے غیر احمدی ماموں کا نام لیا کہ اس نے آپ کے خلاف اشتہار دیا یا دلوایا ہے۔اور لکھا کہ اگر انہیں اپنے دعاوی کی صداقت پر یقین ہے تو مولوی ابراہیم صاحب سیالکوٹی سے مباحثہ کر لیں۔مولا نا عبد الستار صاحب فرمانے لگے : میں نے مولوی سیالکوٹی صاحب سے کہا ہے کہ کہیں جوش میں آکر مباحثہ نہ کر بیٹھنا۔کیونکہ یہاں احمدیوں سے زیادہ اہلحدیثوں کی مخالفت ہے۔احمدیوں کے خلاف کسی کو اشتعال آیا یا نہ آیا تمہارے خلاف ضرور لوگ اٹھ کھڑے ہوں گے۔حضرت صاحبزادہ صاحب نے ان سے پوچھا کہ آپ کس طرف سے زیادہ خطرہ محسوس کرتے ہیں؟ انہوں نے ایک عالم کا نام لیا کہ اسے تو بالکل تبلیغ نہ کرنا۔اس پر حضور نے ان کو بتایا کہ میں اسے ایک گھنٹہ تبلیغ کر کے آ رہا ہوں۔وہ حیران ہو کر بولے پھر کیا ہوا؟ آپ نے فرمایا: تھوڑی تھوڑی دیر کے بعد وہ غصہ اور جوش کی حالت میں کہہ دیتے تھے کہ: نہ ہوئی تلوار ہمارے قبضہ میں ورنہ تمہارا سر قلم کر دیتا۔غرض مکہ میں مخالفت کے باوجود اللہ تعالیٰ کے فضل و کرم سے آپ حضرت محمد مصطفی صلی اللہ علیہ وسلم کی بشارتوں اور وعدوں کے مطابق آپ کے غلام کی آواز پوری قوت وشوکت سے آخر دم تک پہنچاتے رہے۔(ماخوذ از تاریخ احمدیت جلد 3 صفحه (420) مکہ معظمہ میں حضرت صاحبزادہ صاحب کا ایک مبارک رؤیا مکہ معظمہ سے ایک خط میں حضرت صاحبزادہ صاحب نے اپنا ایک مبشر خواب بھی درج فرمایا ہے جس سے صاف ظاہر ہوتا ہے کہ اللہ تعالیٰ آپ کے ذریعہ سے اسلام اور احمدیت کو بہت ترقی دینے والا تھا۔آپ فرماتے ہیں: دمیں نے رویا میں دیکھا کہ ایک جگہ ہوں اور میر صاحب اور والدہ ساتھ ہیں۔آسمان سے سخت گرج کی آواز آرہی ہے اور ایسا شور ہے جیسے تو پوں کے متواتر چلنے سے پیدا ہوتا ہے اور سخت تاریکی چھائی ہوئی ہے۔ہاں کچھ کچھ دیر کے بعد آسمان پر روشنی ہو جاتی ہے۔اتنے میں